A Comisión de Goberno, en sesión do 24 de xullo de 2000, prestou aprobación, con carácter inicial, ó proxecto de urbanización parcial do Camiño Vello de Castela, formulado por Priseca, Sociedad Limitada e subscrito polos arquitectos Eugenio Jiménez Passolas e Gustavo Pérez Álvarez, visado pola delegación de Pontevedra do COAG con data do 6-9-1999, coa finalidade de levar á práctica as determinacións de urbanización do Plan xeral de ordenación urbana, fronte á parcela desta sociedade situada con fronte á curva do trazado do camiño vello de Castela, dispoñéndose o seu sometemento a información pública.
Durante o prazo dun mes contado a partir da inserción deste anuncio no Diario Oficial de Galicia, calquera interesado poderá examina-lo expediente no Servicio Municipal de Urbanismo, Medio Ambiente e Patrimonio Histórico (rúa Churruchaos), e formula-las alegacións e xustificacións que estime procedentes.
Pontevedra, 28 de xullo de 2000.
P.D.
Xosé Cesáreo Mosquera Lorenzo
Tenente alcalde delegado da Área de Urbanismo e Medio Ambiente
Julio Dapena Outumuro
Secretario xeral