Publicadas as resolucións da Dirección Xeral da Función Pública polas que se fan públicas as listas provisionais para a cobertura con carácter temporal de postos de traballo reservados a persoal laboral
reguladas no Decreto 89/1997, do 10 de abril, e correspondentes ás categorías 023 (celador/a do corpo de legoeiros), 026 (axudante técnico/a de laboratorio), 033 (encargado/a supervisor de telefónica), 037 (técnico de son), 039 (rexedor/a de escena), 049 (axente auxiliar da inspección de transportes), 060 (auxiliar técnico/a de obra e outros), 064 (oficial 1ª tractorista e outros), 066 (axudante de taller), 069 (oficial servicios técnicos e outros), do grupo III (lista B), e unha vez finalizados os prazos previstos nestes e elaboradas as listas definitivas pola Comisión Permanente de Selección de Persoal Laboral para a cobertura de postos de traballo reservados a persoal laboral, na sesión que tivo lugar o día 10 de xullo de 2000, a Dirección Xeral da Función Pública
RESOLVE:
Primeiro.-Facer públicas as listas definitivas para a cobertura con carácter temporal de postos de traballo reservados a persoal laboral das categorías citadas con anterioridade, da forma que a continuación se indica:
Anexo I. Figuran os solicitantes incluídos na lista.
Anexo II. Figuran os solicitantes excluídos coa expresión da causa de exclusión.
Segundo.-Os citados anexos atópanse expostos nas seguintes dependencias:
-Dirección Xeral da Función Pública da Consellería da Presidencia e Administración Pública.
-Servicio de Información e Atención ó Cidadán da Consellería da Presidencia e Administración Pública.
-Delegacións provinciais da Consellería da Presidencia e Administración Pública.
-Oficinas comarcais da Consellería da Presidencia e Administración Pública.
Terceiro.-A partir da data de publicación no Diario Oficial de Galicia da exposición das listas das categorías citadas anteriormente, quedarán sen efecto as listas das ditas categorías elaboradas con anterioridade á Resolución do 30 de xuño da Dirección Xeral da Función Pública, tal e como se establece na base 6ª desta.
Cuarto.-Contra esta resolución os interesados poderán interpoñer recurso de alzada perante o conselleiro da Presidencia e Administración Pública no prazo dun mes, contado desde o día seguinte ó da publicación desta resolución no DOG, de acordo co artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 21 de xullo de 2000.
Joaquín López-Rúa Soler
Director xeral da Función Pública