En cumprimento da resolución da alcaldía do 20-7-2000 e do disposto nos artigos 78 do
R.D.L 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obra:
1. Obxecto: mellora da rede de saneamento de Vilaselán (POS/2000).
2. Tramitación: urxente.
3. Procedemento: aberto.
4. Sistema de adxudicación: poxa.
5. Prezo e financiamento: dezaseis millóns seiscentas mil pesetas (16.600.000 pesetas), (99.768,01 euros) IVE incluído, con cargo á partida orzamentaria 2000/512-601.01.
6. Prazo de execución: catro meses.
7. Período de garantía: un ano.
8. Fianza provisional: excluída.
9. Fianza definitiva: 4% do importe da adxudicación.
10. Clasificación: como empresa de obras, grupo E, subgrupo 1, categoría c, non obrigatoria.
11. Presentación de ofertas: durante os 8 días naturais seguintes ó da publicación deste anuncio no DOG, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, plaza de España nº 1, 27700 Ribadeo-Lugo, teléfono 982 12 86 50, Fax: 982 13 09 75, horario de atención ó público das 9 ás 14 horas de luns a venres.
12. Modelo de proposición:
D/Dª..... veciño de....., con enderezo en....., titular do DNI....., en nome propio (ou en representación de....., conforme acredito con poder do que se verificou a suficiencia), sabedor da poxa tramitada polo Concello de Ribadeo para a adxudicación, mediante procedemento aberto, das obras de mellora da rede de saneamento en Vilaselán, manifesta o coñecemento e conformidade cos pregos de condicións económico-administrativas particulares e de prescricións técnicas, e comprométese a executalas na forma determinada nos citados pregos por un prezo de..... pesetas (en letra e número).
13. Apertura de proposicións: realizaraa a mesa de contratación en acto público, segundo a cláusula 11 do prego, dentro dos 10 días seguintes ó de remate de presentación de ofertas logo da convocatoria ós licitadores.
Ribadeo, 20 de xullo de 2000.
José Carlos Rodríguez Andina
Alcalde