O Pleno do Concello da Guarda, en sesión ordinaria do día vinteseis de maio do ano dous mil, entre outros acordos tomou o seguinte:
Aprobar definitivamente o proxecto de compensación do Plan parcial de Sa SUP 7, determinándose que a formalización deste proxecto de compensación se efectúe en documento administrativo coas solemnidades e requisitos dispostos para as actas dos acordos deste concello co contido legalmente esixido, ou ben mediante escritura pública se asi o prefire a xunta de compensación e por conta dela. En calquera caso, o documento no que se formalice será inscrito no Rexistro da Propiedade, logo da súa protocolización notarial, sendo ámbalas dúas obrigas por conta da xunta.
Publica-lo presente acto administrativo no taboleiro de edictos da casa do concello e no Diario Oficial de Galicia e notificarllo individualizadamente ós interesados con comunicación de testemuño del, á Consellería de Política Territorial, Obras Públicas e Vivenda da Xunta de Galicia.
O que se fai público para xeral coñecemento.
Contra o devandito acordo, de carácter definitivo na vía administrativa, poderán interpo-los seguintes recursos:
-Potestativamente recurso de reposición ante o mesmo órgano que dictou o acto, no prazo dun mes desde a data de publicación da presente resolución, no suposto de interpor recurso de reposición, non poderá interpor recurso contencioso-administrativo ata que sexa resolto expresamente ou se produza a súa desestimación por silencio administrativo. Transcorrido un mes desde a interposición do recurso de reposición sen que se notifique a súa resolución, entenderase desestimado por silencio administrativo e quedará expedita a vía contencioso-administrativa.
-O contencioso-administrativo pode presentarse directamente, ante a correspondente sala do Tribunal Superior de Xustiza de Galicia, ou ante o xulgado do contencioso nos supostos previstos no artigo 8 da Lei 29/1998, reguladora da xurisdicción contencioso-administrativa, no prazo de dous meses, contados a partir do día seguinte ó da publicación deste acordo.
-Calquera outro que se estime procedente interpoñer.
A Guarda, 13 de xuño de 2000.
O alcalde
Rubricado