Vista a solicitude de transmisión do pleno dominio dos predios nº 430 e 2.310 integradas no fondo de terras resultante do proceso de concentración parcelaria do Eixo-Marrozos (Santiago de Compostela-A Coruña), formulada polo referido concello, a fin de destina-la primeira a campo de festas da parroquia de Marrozos, e a segunda para zona lúdico-deportiva no contorno da Capela de Sta. Lucía, parroquia do Eixo.

Vistos os informes emitidos pola Secretaría Xeral e do Patrimonio da Consellería de Economía e Facenda, pola Asesoría Xurídica e a Intervención Delegada da Consellería de Agricultura, Gandería e Política Agroalimentaria, así como os artigos 31 e 32 da Lei 10/1985, do 14 de agosto, de concentración parcelaria para Galicia, a Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, a disposición transitoria cuarta da Lei 13/1988, do 30 de decembro, de presupostos xerais da Comunidade Autónoma de Galicia para 1989, a disposición transitoria terceira da Lei 15/1991, do 28 de decembro, de presupostos xerais da Comunidade Autónoma de Galicia para 1992, ambas modificadoras da Lei 3/1985, do 12 de abril, do patrimonio da Comunidade Autónoma de Galicia, e demais disposicións legais de aplicación ó caso.

Considerando que o fin ó que se van destina-los predios nº 430 e 2.310, da antedita zona, cumpre os requisitos esixidos pola lexislación vixente, dado que teñen por obxecto o establecemento de zonas lúdico-deportivas nas parroquias do Eixo e de Marrozos (Santiago de Compostela), o que supón un evidente beneficio para a xeneralidade dos veciños de ambas.

Na súa virtude,

DISPOÑO:

Transmiti-lo pleno dominio dos predios nº 430 e 2.310, procedentes do fondo de terras da zona de concentración parcelaria do Eixo-Marrozos, a favor do Concello de Santiago de Compostela (A Coruña) co obxecto de que se destinen, por si ou por medio de terceiros, ó establecemento de zonas lúdico-deportivas nas parroquias do Eixo e Marrozos, procedendo á reversión dos citados bens ó patrimonio da Comunidade Autónoma de Galicia para o caso de que no prazo de 5 anos, desde a súa cesión, non se destinan ós fins para os que se transmiten.

Santiago de Compostela, 15 de xuño de 2000.

Cástor Gago Álvarez

Conselleiro de Agricultura, Gandería e Política

Agroalimentaria