O Consello da Xunta de Galicia, en virtude do Decreto 16/2000, do 22 de xuño, declarou a concreta utilidade pública e urxente ocupación dos terreos e bens necesarios para a execución do proxecto de ramal de gas do Complexo Ambiental de Cerceda, e igualmente, a prevalente utilidade pública do devandito proxecto sobre a execución da concentración parcelaria da zona de San Pedro de Ardemil (Ordes-A Coruña).

Na súa virtude, e en cumprimento do disposto no artigo 52 da Lei de expropiación forzosa e 56 e seguintes do seu regulamento,

RESOLVO:

Primeiro.-Convoca-los titulares dos bens e dereitos afectados que figuran na relación definitiva exposta

no taboleiro de anuncios dos concellos de Mesía e Ordes e na Dirección Xeral de Calidade e Avaliación Ambiental da Consellería de Medio Ambiente, sita na rúa Feáns nº 7, portal C, Santiago de Compostela, para que comparezan no lugar, data e hora que a continuación se detallan para proceder ó levantamento das actas previas á ocupación, nas que se recollerán os datos necesarios para determina-los os bens e dereitos afectados, o valor destes e os prexuízos dimanantes da rápida ocupación, sen prexuízo de trasladaranse ó lugar dos predios se se considera necesario.

Lugar: Concello de Mesía, Xanceda s/n. Mesía. (A Coruña).

Data: día 26 de xullo de 2000. Hora: a partir das 9 horas, desde o predio nº 1 ata o nº 23 ámbolos dous inclusive.

Lugar: Concello de Ordes, Avda. Alfonso Senra, s/n. Ordes. (A Coruña)

Data: día 26 de xullo de 2000. Hora: a partir das 10 horas, desde o predio nº 1 ata o nº 20. A partir das 11 horas, desde o predio nº 21 ata o nº 36. A partir das 12 horas, desde o predio nº 38 ata o nº 50.

Data: día 27 de xullo de 2000. Hora: a partir das 9 horas, desde o predio nº 51 ata o nº 61, a partir das 10 horas, desde o predio nº 62 ata o nº 77, a partir das 11 horas, desde o predio nº 78 ata o nº 121.

Data: día 28 de xullo de 2000. Hora: a partir das 9 horas, desde o predio nº 123 ata o nº 138, a partir das 10 horas, desde o predio nº 139 ata o nº 153 ámbolos inclusive. A partir das 11 horas, desde o predio nº 154 ata o nº 168. A partir das 12 horas, desde o predio nº 169 ata o nº 179 ámbolos dous inclusive.

Segundo.-Ó devandito acto deberán asisti-los titulares afectados, persoalmente ou ben por persoas debidamente autorizadas para actuar no seu nome, presentando os documentos acreditativos de súa titularidade, documento nacional de identidade e, en caso de representación, poder suficiente, podendo acompañarse pola súa conta, e se o considera oportuno, dos seus peritos e notarios.

Terceiro.-Advírteselles ós interesados afectados, ós que se notificará individualmente o día, a hora e o lugar sinalados para o levantamento das actas previas, que poderán formular alegacións por escrito ante a Dirección Xeral de Calidade e Avaliación Ambiental da Consellería de Medio Ambiente, sita en rúa Feáns nº 7, portal C, Santiago de Compostela, ata o momento do levantamento das actas previas, para os efectos de corrixi-los erros que se puidesen producir en relación ós bens ou dereitos indicados.

Cuarto.-O levantamento de actas poderase continuar en días e horarios posteriores, se fose preciso, sen necesidade de repeti-las citacións; abondará, para tal efecto, o anuncio verbal efectuado con oca

sión do levantamento das últimas actas que se expidan.

Santiago de Compostela, 3 de xullo de 2000.

Francisco Pan Montojo

Director xeral de Calidade e Avaliación Ambiental