O conselleiro da Presidencia e Administración Pública dictou, con data 26 de xuño, resolución estimatoria do recurso formulado por Mª Isabel Pombo Carrera contra a Resolución do 4 de abril de 2000, pola que se fan públicas as listas definitivas para a cobertura con carácter temporal de postos de traballo reservados a persoal laboral, reguladas no Decreto 89/1997, do 10 de abril, correspondentes á categoría 11 (fisioterapeuta) (lista B) do grupo II.
Dado que o carácter da resolución é estimatorio da petición da interesada, procede da-la debida publicidade á modificación provocada por esta, nas listas publicadas por Resolución do 4 de abril de 2000, no sentido de que debe figurar na lista para a cobertura con carácter temporal de postos correspondentes á categoría 11 (fisioterapeuta) (lista B) do grupo II, cos seguintes datos:
Mª Isabel Pombo Carrera, DNI 76.893.877, lista B, puntuación: 2,260 puntos.
No posto número 6 no ámbito xeográfico D3600.
En consecuencia, varíase correlativamente a orde de prelación dos solicitantes posteriores incluídos na lista correspondente.
A presente resolución non afecta ás modificacións e/ou exclusións producidas como consecuencia da propia xestión das listas.
Contra a presente resolución, que pon fin á vía administrativa, os interesados poderán interpor, con carácter potestativo, recurso de reposición perante o conselleiro da Presidencia e Administración Pública no prazo dun mes contado desde o día seguinte ó da publicación da presente resolución, ou directamente, o recurso contencioso-administrativo, no prazo de dous meses contados desde o día seguinte
á súa publicación, perante o Xulgado do Contencioso-Administrativo da Coruña, conforme o artigo 14.2º da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 26 de xuño de 2000.
Joaquín López-Rúa Soler
Director xeral da Función Pública