Examinado o expediente instruído por instancia de Energías y Recursos Ambientales, S.A. (en diante denominada EASA), con enderezo para efectos de notificacións na r/ Bugallal Marchesi, 10-1º Esq., 15008 A Coruña, sobre aprobación da modificación do P.E.E. Eyra, esta consellería ten en conta os seguintes antecedentes de feito:

Primeiro.-O 15 de febreiro de 1996, por resolución da Consellería de Industria e Comercio, apróbase

o plan eólico estratéxico denominado P.E.E. Ecotécnica-G.E.A. publicándose no Diario Oficial de Galicia do 17-6-1996 coas seguintes características básicas:

-7 áreas.

-Potencia: 98 MW.

-Prazo de execución: 5 anos

Investimento total: 14.445 millóns de pesetas.

Segundo.-O 22 de decembro de 1997 autorizouse mediante resolución da Consellería de Industria e Comercio a transmisión de bens e dereitos derivados do dito P.E.E. a favor de EASA.

Terceiro.-Con data do 6 de agosto de 1999, Ignacio Aguiriano, en nome e representación de EASA, NIF A-81.798.787, solicitou a aprobación do plan eólico estratéxico denominado P.E.E. Eyra, achegando a documentación establecida para o efecto polo Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia.

Cuarto.-A petición de aprobación do plan eólico estratéxico someteuse a información pública por Resolución do 18 de agosto de 1999, para os efectos previstos no artigo 5 do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia. A citada resolución foi publicada no BOE do 14 de setembro de 1999, e no Diario Oficial de Galicia do 15 de setembro do mesmo ano.

As características principais do P.E.E. Eyra que foron sometidas a información pública son:

Nome	Provincia	Concellos	X	Y

Serra de Gomariz	Ourense	Baltar, Os Blancos	604.000 602.000 601.000 602.000 603.000 605.000 605.000	4.647.500 4.646.000 4.644.000 4.643.000 4.643.000 4.646.000 4.647.000
O Penedo das Fatigas	Ourense	Baltar, Os Blancos, Calvos de Randín	599.000 595.000 595.000 600.000 601.000 602.000	4.648.500 4.647.000 4.641.500 4.643.000 4.644.000 4.647.500
Serra da Pena	Ourense	Calvos de Randín	591.000 593.000 595.500 601.000 598.000 596.000 593.000	4.634.000 4.638.000 4.640.000 4.640.000 4.636.000 4.634.000 4.633.500
San Martiño	Ourense	Baltar	601.000 608.000 608.000 605.000 598.000	4.640.000 4.643.000 4.640.000 4.638.000 4.636.000
Serra Seca	Ourense	A Gudiña, Viana do Bolo	639.000 647.000 651.000 654.000 654.000 653.000 649.000 639.000	4.658.500 4.660.500 4.664.000 4.664.000 4.659.000 4.658.000 4.659.000 4.657.000

Montes Tameirón	Ourense	A Gudiña	653.000 655.000 658.000 658.000 653.000	4.656.000 4.657.000 4.656.000 4.653.000 4.653.000

Nome	Provincia	Concellos	X	Y

Serra das Augas Santas	Lugo	Mondoñedo, Lourenzá e Riotorto	638.000 640.000 641.000 641.000 639.000 639.000	4.806.000 4.809.000 4.808.000 4.804.500 4.804.000 4.806.000
Serra da Cadeira	Lugo	Lourenzá, Trabada, Riotorto, A Pontenova	641.000 643.000 646.000 646.000 644.000	4.804.500 4.810.000 4.810.000 4.801.000 4.801.000
Serra da Cadeira II	Lugo	Lourenzá, Trabada, Barreiros	641.000 643.000 644.000 642.500	4.814.000 4.814.000 4.811.000 4.810.000
San Fernando	Lugo	Trabada, Ribadeo	649.000 651.500 652.000 651.000 648.000	4.817.000 4.816.000 4.813.500 4.812.000 4.814.000
Sto. Domingo	Pontevedra	Lalín, Dozón, Piñor, O Irixo	567.000 580.500 579.000 567.000	4.720.500 4.720.500 4.706.000 4.706.000
Barbanza	A Coruña	Porto do Son, Ribeira	498.000 503.300 503.300 502.600 501.000 501.000 498.000	4.730.000 4.730.000 4.727.250 4.723.300 7.723.300 4.719.000 4.719.000
Montes da Tieira	A Coruña	Cesuras, Curtis, Sobrado, Vilasantar, Boimorto, Mesía	566.000 581.500 581.500 566.000	4.777.500 4.777.500 4.767.000 4.764.000
Monte do Gato	A Coruña	Coiros, Aranga, Oza dos Ríos	569.000 573.000 577.000 572.000	4.786.500 4.786.500 4.780.500 4.780.500
Cordal de Montouto	A Coruña, Lugo	Monfero, Guitiriz, Aranga, Irixoa	579.500 584.000 584.000 589.500 598.500 581.500	4.795.500 4.795.500 4.790.000 4.790.000 4.783.000 4.783.000
Granxa	A Coruña	Boqueixón, Touro, Vedra	542.500 549.500 549.500 542.000	4.742.000 4.742.000 4.737.500 4.737.500
Couto do Espiño	Pontevedra	A Estrada, Silleda, Forcarei, Cerdedo	548.000 555.000 555.000 548.000	4.730.000 4.730.000 4.711.500 4.711.500
Serra da Fracha	Pontevedra	Soutomaior, Ponte Caldelas, Vilaboa, Pontevedra	537.000 537.000 534.000 531.000	4.696.000 4.689.500 4.689.500 4.696.000
La Baña	A Coruña	A Baña, Val do Dubra, Ames, Negreira	516.300 526.000 528.000 516.300	4.760.500 4.760.500 4.751.700 4.751.700
Outes	A Coruña	Mazaricos, Santa Comba, Negreira, Outes, Muros	499.000 499.000 498.330 497.500 495.672 511.000 511.000	4.743.000 4.745.000 4.751.700 4.751.700 4.756.000 4.759.000 4.743.000
Morrazo	Pontevedra	Bueu, Moaña, Cangas	527.400 518.400 516.500 514.500 509.700 517.000	4.683.800 4.683.200 4.687.300 4.686.500 4.680.300 4.678.500
Serra de Orrea	Pontevedra	Agolada, Lalín	582.000 584.000 573.500 573.500	4.739.000 4.734.000 4.734.000 4.739.000
Montes da Paradanta	Pontevedra	Covelo, A Cañiza, Arbo, As Neves, Salvaterra de Miño, Mondariz	599.000 552.300 547.000 559.000	4.679.500 4.679.500 4.663.500 4.663.500

Durante o prazo de información pública presentáronse as seguintes solicitudes en competencia formuladas por:

1. Fomensa Hispania, S.L.

2. Made, Energías Renovables, S.A.

3. Desarrollos Eólicos, S.A.

4. Ercco, S.L.

5. Planta Eólica de Galicia, S.A.

Quinto.-O 5 de abril de 2000, a empresa EASA presentou ante esta dirección xeral escrito de renuncia ás seguintes áreas: Miñón, Muiños, San Adrián e Pedrouzos (parcialmente), dado que dos resultados das investigacións eólicas previas realizadas nas citadas áreas se detecta escaseza de recurso eólico, reiterando a súa solicitude de concesión doutras que lle permitan mante-los compromisos do seu plan eólico estratéxico, aprobado o 15 de febreiro de 1996 por resolución da Consellería de Industria e Comercio.

Sexto.-Os servicios técnicos da Dirección Xeral de Industria emitiron informe avaliando a viabilidade do plan nas diferentes áreas de estudio solicitadas, co fin de resolve-los diferentes plans estratéxicos en competencia, e tendo en conta que a empresa EASA solicitou a substitución das áreas de investigación de Miñón, Muíños, San Adrián e Pedrouzos (parcialmente), de escaso recurso eólico, por outras que lle permitan mante-los compromisos do seu plan eólico estratéxico. Os criterios de avaliación que se seguiron son os seguintes:

-Planificación enerxética.

-Estudio contrastado dos datos eólicos existentes.

-Viabilidade económica dos plans.

-Achega tecnolóxica e efectos industrias dos plans.

-Ambientais.

-Desenvolvemento de infraestructuras.

Fundamentos de dereito:

Primeiro.-A Consellería de Industria e Comercio da Xunta de Galicia é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, modificado polo Decreto 181/1999, do 21 de xuño, en relación coa Lei 54/1997, do 30 de decembro, do sector eléctrico, e o Decreto 205/1995, do 6 de xullo.

Segundo.-Ante o gran número de solicitudes presentadas, e en tramitación paralela, de aprobación do plan eólico estratéxico, os criterios seguidos en forma xeral para a adxudicación ou non das áreas asignadas foron os expostos no fundamento de feito quinto, téndose en conta a limitación existente desde o punto de vista infraestructural en canto á rede de transporte de enerxía eléctrica, o que supón que soamente se poidan satisfacer aquelas solicitudes que cumpran de forma máis completa os criterios de adxudicación formulados.

Terceiro.-Nalgúns casos, existen ocultacións en determinadas zonas de distintas solicitudes de plans,

sen que os seus promotores concorresen en competencia. Nos ditos casos optouse por asigna-la área á solicitude que se considerou que cumpre en maior medida os criterios de asignación.

Cuarto.-Á vista dos plans presentados en competencia, o informe técnico realizado e do resto de documentación que figura no expediente, queda de manifesto que se deben excluír certas áreas solicitadas, debido á adxudicación de determinadas zonas a outros promotores seguindo criterios de planificación e desenvolvemento das infraestructuras enerxéticas, e en consecuencia, que se lle debe conceder á empresa EASA autorización para prosegui-las investigacións nas áreas relacionadas no anexo I.

Do exposto extraese como consecuencia, que a ampliación do plan solicitada non pode ser concedida na extensión requirida pola peticionaria. Sen embargo, e de acordo co establecido no condicionado sexto da resolución pola que se aproba o plan eólico estratéxico da solicitante, comprobándose que as áreas denominadas: Miñón, Muíños, San Adrián e Pedrouzos (parcialmente), son inviables desde un punto de vista técnico, considerase procedente amplia-la potencia en 32 MW co fin de garanti-la viabilidade do plan industrial e substituí-las ditas áreas pola denominada Outes, Serra Seca, San Martiño e Serra de Gomariz coas coordenadas que veñen determinadas no anexo I desta resolución, co obxecto de mante-la viabilidade do plan considerado no seu conxunto, concedéndolle á empresa EASA autorización para realizar investigacións nela.

Desta forma, o plan eólico estratéxico pasa a constar de 8 áreas, sendo a súa potencia autorizada de 130 MW, permanecendo as demais variables inalteradas.

Quinto.-No expediente instruído para o efecto cumpríronse os trámites regulamentarios

Esta consellería, de acordo co que antecede e no exercicio das competencias que ten atribuídas,

RESOLVE:

Aproba-lo plan eólico estratéxico P.E.E. Eyra referido ás áreas recollidas no anexo I da presente resolución, coa ampliación de potencia de 32 MW, en substitución das áreas Miñón, Muiños, San Adrián e Pedrouzos (parcialmente), sobre as que efectúa renuncia a titular do plan.

A presente resolución leva consigo o outorgamento do dereito de investigación nas áreas de referencia, así como o dereito preferente, nas citadas áreas, á autorización das instalacións de aproveitamento de enerxía eólica, conforme o sinalado no artigo 8 do Decreto 205/1995, do 6 de xullo.

A aprobación do plan eólico estratéxico vincula a Administración e EASA sen prexuízo das futuras resolucións que se adopten para o suposto de non exerce-lo dereito preferencial previsto no artigo 8 do citado Decreto 205/1995, do 6 de xullo.

A aprobación do plan eólico estratéxico outórgase conforme as seguintes condicións:

Primeira.-A modificación do plan eólico estratéxico ou o incumprimento das condicións impostas nesta resolución e na autorización para a montaxe das instalacións será causa de resolución da presente aprobación.

Sen embargo, se por alteración substancial das circunstancias ou por causas sobrevidas, non fora adecuado o mantemento dalgunha ou algunhas das instalacións previstas no plan eólico estratéxico que se aproba, a empresa poderá solicitar da Consellería de Industria e Comercio da Xunta de Galicia:

1. Autorización para a modificación ou substitución das actuacións, sen altera-las restantes condicións do plan eólico estratéxico, ou ben,

2. A aprobación dun novo plan eólico estratéxico para novas instalacións, se a importancia dos investimentos así o xustifican, tendo en conta sempre os dereitos que terceiros interesados poidan ter.

Segunda.-EASA deberá presentarlle un informe trimestral á Consellería de Industria e Comercio que conterá os seguintes puntos:

-Datos eólicos obtidos nas áreas de investigación.

-Investimentos realizados e previstos.

-Operacións realizadas con empresas galegas.

-Emprego creado.

-Participación de entidades galegas.

Terceira.-A empresa EASA, participará na execución do plan industrial que teñan aprobado os tecnólogos seleccionados. En todo caso, a porcentaxe de compoñentes fabricados en Galicia será o comprometido polos tecnólogos. A selección dos tecnólogos deberá contar coa autorización da Dirección Xeral de Industria.

Cuarta.-EASA poderá transferir en calquera momento os dereitos dimanantes da presente aprobación previa autorización da Dirección Xeral de Industria, subrogándose o novo titular en tódalas obrigas e dereitos do transmitente derivados do plan eólico aprobado.

Quinta.-O presente plan eólico apróbase sen prexuízo de terceiros, deixando a salvo os dereitos particulares e independentemente das autorizacións, licencias ou permisos de competencia municipal ou outros necesarios para a realización das obras das instalacións de aproveitamento eólico.

Contra a presente resolución, que é definitiva en vía administrativa, poderase interpoñer, recurso potestativo de reposición ante esta consellería, no prazo dun mes desde o día seguinte ó da súa notificación, de acordo co establecido no artigo 116.1º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma

data, ó amparo do disposto no artigo 46 da Lei 29/1998, do 13 de xullo, reguladora da xurisdicción contencioso-administrativa, sen prexuízo de que os interesados poidan interpoñer calquera outro recurso que consideren procedente.

Santiago de Compostela, 29 de maio de 2000.

Juan Rodríguez Yuste

Conselleiro de Industria e Comercio

ANEXO I

Relación de áreas aprobadas no plan eólico estratéxico

Nome	Potencia	Provincia	Concellos	X	Y

San Martiño	15	Ourense	Baltar	601.000 608.000 608.000 605.000 598.000	4.640.000 4.643.000 4.640.000 4.638.000 4.636.000

Nome	Potencia	Provincia	Concellos	X	Y

Serra Seca	15	Ourense	A Gudiña, Viana do Bolo	639.000 647.000 651.000 654.000 654.000 653.000 649.000 639.000	4.658.500 4.660.500 4.664.000 4.664.000 4.659.000 4.658.000 4.659.000 4.657.000
Outes	15	A Coruña	Mazaricos, Santa Comba, Negreira, Outes, Muros	511.000 497.000 495.672 497.500 498.330 499.000 507.000 507.000 511.000	4.759.000 4.756.000 4.756.000 4.751.700 4.751.700 4.747.000 4.747.000 4.743.000 4.743.000
Serra de Gomariz	10	Ourense	Baltar, Os Blancos	604.000 602.000 601.000 602.000 603.000 605.000 605.000	4.647.500 4.646.000 4.644.000 4.643.000 4.643.000 4.646.000 4.647.000