Para cumprir con canto se establece polo artigo 48 da Lei 1/1997, do 24 de marzo, do solo de Galicia, faise público que o Pleno do Concello, en sesión do 26 de maio de 2000, acordou aprobar definitivamente o estudio de detalle de reordenación de volumes e aliñacións dun soar situado entre a Avda. de Lugo e a rúa «VV», promovido por Construcciones Caldelas, S.L.e por Abelardo Batán García.

O acto de aprobación definitiva pon fin a vía administrativa e contra el poderá interporse, potestativamente, recurso de reposición perante o Pleno do Concello, no prazo dun mes, contado desde o día seguinte ó da súa publicación no Diario Oficial de Galicia.

Alternativamente, o acto de aprobación definitiva poderá impugnarse directamente en vía xurisdiccional mediante a interposición de recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses contados desde o día seguinte ó da súa publicación no DOG.

Contra a desestimación expresa do recurso de reposición ou, transcorrido o prazo dun mes, sen que a resolución se teña notificado, poderá interporse o recurso xuridiccional anteriormente referenciado ante o órgano xudicial indicado.

O prazo para interpo-lo recurso contencioso-administrativo será de dous meses contados desde o seguinte ó da notificación da resolución expresa do

recurso de reposición. No caso de desestimación presunta o prazo é seis meses desde a data en que deba entenderse producida- un mes desde a data de interposición do recurso de reposición.

Todo isto sen prexuízo de calquera outro recurso que en dereito se considere oportuno.

Monterroso, 6 de xuño de 2000.

Antonio Gato Soengas

Alcalde-presidente