De conformidade coa proposta elevada pola comisión designada para xulga-lo concurso convocado por resolución de esta universidade do 4 de maio de 1999 (BOE do 26 de maio), para a provisión da praza número 99/015 de profesor titular de universidade da área de coñecemento máquinas e motores térmicos, do departamento de Enerxía e Propulsión Mariña desta universidade, a favor de Álvaro Baaliña Ínsua, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións conferidas polo artigo 42 da Ley 11/1983, do 25 de agosto, de reforma universitaria, e demais disposicións que a desenvolven, resolveu nomear a Álvaro Baaliña Insua profesor titular de universidade da área de coñecemento de máquinas e motores térmicos, do departamento de Enerxía e Propulsión Mariña desta universidade.
A Coruña, 6 de xuño de 2000.
José Luis Meilán Gil
Rector da Universidade da Coruña