A Comisión de Goberno, en sesión do 15 de maio de 2000, acordou prestar aprobación definitiva ó

proxecto de urbanización, formulado por Corvorana, Sociedad Cooperativa Limitada, coa finalidade de levar á práctica o Plan parcial do polígno B-10 do Plan xeral de ordenación urbana/predio A Corva-San Brais, e redactado polos arquitectos José Vicente Rodríguez Pagán e Daniel Gómez Ayuso, con visado da delegación en Pontevedra do COAG do 22-11-1999 e novos planos nº 04b, 12b,13b,16b e documento de medicións e orzamento, que anulan e reforman os correlativos daquel, estando subscritos tamén polos arquitectos autores del e intervidos polo seu colexio o 11-1-2000.

O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestivo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados coiden procedentes consonte a dereito.

Pontevedra, 22 de maio de 2000.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo e Medio Ambiente

Julio Dapena Outomuro

Secretario xeral