O día 6 de novembro de 1992, o Instituto Galego da Vivenda e Solo asinou un convenio co Concello de Celanova para a creación dun parque empresarial neste municipio.

En sesión do día 29 de decembro de 1998, o Concello de Celanova adoptou un acordo polo que se aproba definitivamente o plan parcial do parque empresarial de Celanova.

O antedito plan parcial determina como procedemento de actuación para a súa execución o sistema de expropiación. Este sistema implica a declaración de utilidade pública das obras, e a necesidade de ocupación dos terreos e edificios correspondentes para os fins de expropiación ou imposición de servidume, de acordo co disposto no artigo 33 da Lei 6/1998, do 13 de abril, sobre réxime de solo e valo

racións e o artigo 54 da Lei 1/1997, do 24 de marzo, do solo de Galicia.

Os bens e dereitos afectados pola expropiación están comprendidos dentro do ámbito do polígono nº 1 de actuación delimitado no plan parcial do parque empresarial de Celanova, e están concretados na relación de propietarios e titulares de bens e dereitos que se precisan ocupar recollidos na documentación daquel plan.

Na súa virtude, acórdase o inicio do expediente de expropiación forzosa mediante o procedemento de taxación conxunta dos bens e dereitos afectados pola construcción do polígono nº 1 do parque empresarial de Celanova.

De conformidade co previsto no artigo 145 da Lei 1/1997, do 24 de marzo, do solo de Galicia, sométese a información pública o devandito expediente expropiatorio para que quen poida resultar interesado formule as observacións e reclamacións que coide convenientes, en particular no que atinxe á titularidade ou valoración dos seus respectivos dereitos.

Acórdase tamén a súa publicación no Diario Oficial de Galicia e nun xornal dos de maior circulación da provincia. Así mesmo, as taxacións notificaránselles individualmente ós que aparezan como titulares de bens ou dereitos no expediente, para que poidan formular alegacións no prazo dun mes, contado a partir da data de notificación.

Durante o dito prazo, todas aquelas persoas ou entidades que se consideren afectadas poderán presenta-las alegacións que consideren oportunas, por triplicado exemplar, no Rexistro da Xefatura da Área Provincial do Instituto Galego da Vivenda e Solo, situado na rúa Sáenz Díez, nº 1, baixo, 32003 Ourense.

Santiago de Compostela, 14 de xuño de 2000.

José Antonio Redondo López

Director xeral do Instituto Galego

da Vivenda e Solo

ANEXO

Relación de propietarios afectados polo polígono de actuación nº 1 do parque empresarial de Celanova