De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle as persoas que no anexo se mencionan que, con esta data resolvín publica-los acordos de iniciación dos procedementos sancionadores por infracción administrativa da Lei 81/1968, do 5 de decembro, sobre incendios forestais (BOE nº 294, do 7 de decembro), e mais do seu Regulamento aprobado por Decreto 3769/1972 do 23 de decembro (BOE nº 38, do 13-2-1973), por non ser posible a súa notificación.
Noméase instructora do procedemento a Ana Mª Díaz López, e secretaria a Mª Jesús Budiño Rodríguez funcionarias desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.
A resolución será acordada polo delegado provincial desta consellería na Coruña, segundo o artigo 141 do Regulamento de incendios forestais, en relación co R.D. 167/1981, do 9 de xaneiro, de transferencias de funcións e servicios da Administración do Estado á Comunidade Autónoma de Galicia en materia de conservación da natureza.
Os interesados disporán dun prazo de quince días, contados a partir do seguinte ó de publicación desta notificación, para que poidan examina-los expedientes na Delegación Provincial desta consellería na Coruña, sita no edificio administativo de Servicios Múltiples-Monelos, e para achegaren por escrito cantas alegacións, documentos, informacións ou propostas de probas, consideren convenientes en defensa dos seus dereitos, así como para a recusación da persoa designada como instructora, se concorre algunha das circunstancias previstas no artigo 28 da Lei 30/1992, do 26 de novembro.
Conforme o establecido no artigo 13.2º do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuar alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario porá fin ós expedientes. Para efectualo deberán emprega-los impresos normalizados que lle serán facilitados nesta delegación provincial, sita no edificio administrativo de Servicios Múltiples-Monelos-A Coruña.
O que se lles comunica de acordo coa normativa antes citada, coa Lei 30/1992, do 26 de novembro e có establecido no Rel decreto 1398/1993, do 4 de agosto.
A Coruña, 29 de maio de 2000.
Rogelio Aramburu Núñez
Delegado provincial da Coruña
ANEXO
Expediente: incendios 2000/0003.
Denunciado: García Lodeiro, Jorge Alberto.
DNI: 32.774.120.
Último enderezo coñecido: finca Os Confurcos-Tarrío-Culleredo-A Coruña.
Feito denunciado: queimar sen autorización.
Tipificación: grave. Artigo 137.A do Regulamento sobre incendios forestais.
Sanción proposta: 10.000 pesetas.
Expediente: incendios 2000/0117.
Denunciada: Rodríguez Valiño, María.
Último enderezo coñecido: Outeiro de Abaixo-Figueroa-Arzúa.
Feito denunciado: queimar sen adopta-las debidas precaucións.
Tipificación: moi grave. Artigo 138.C do Regulamento sobre incendios forestais.
Sanción proposta: 40.000 pesetas.