O presidente de Portos de Galicia acordou, por Resolución do 7 de abril de 2000, e en virtude das competencias que lle confire o artigo 6.3º da Lei 5/1994, do 29 de novembro, de creación do ente púbico, a adxudicación do concurso aberto para a selección dunha oferta para o outorgamento dunha concesión de ocupación de dominio público portuario para construcción e explotación dun porto deportivo na illa da Toxa (Pontevedra).

1. Entidade adxudicadora.

a) Organismo: Ente Público Portos de Galicia.

b) Dependencia que tramita o expediente:

c) Número do expediente: clave: 13-08-99-C-01.

2. Obxecto do concurso.

a) Descrición do obxecto: o obxecto do concurso é a selección dunha oferta para o outorgamento dunha concesión de ocupación de dominio público portuario para a construcción e explotación dun porto deportivo na illa da Toxa.

b) Boletín, diario oficial e data de publicación do anuncio de licitación: Diario Oficial de Galicia nº 231, do 30 de novembro de 1999.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Adxudicación.

a) Data: 7 de abril de 2000.

b) Adxudicatario: Inmobiliaria La Toja, S.A.

c) Nacionalidade: española.

Contra esta resolución de adxudicación, que pon fin á vía administrativa, poderase interpor recurso

contencioso-administrativo ante, a elección do interesado, o Xulgado do Contencioso-administrativo da Coruña ou ante o Xulgado do Contencioso-administrativo competente na circunscrición onde teña aquel o seu domicilio, no prazo de dous (2) meses contado desde o día seguinte ó de publicación deste anuncio no Diario Oficial de Galicia.

Non obstante, os interesados poderán optar por interpor contra a dita resolución recurso de reposición, no prazo dun (1) mes contado a partir do día seguinte ó de publicación deste anuncio no Diario Oficial de Galicia, ante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 14 de xaneiro.

En consecuencia coa citada resolución, sométese o proxecto e a documentación ambiental da oferta seleccionada a información pública, en cumprimento do disposto na Lei 27/1992, do 24 de novembro, de portos do Estado e da mariña mercante, modificada pola Lei 62/1997, do 26 de decembro; na Lei 1/1995, do 2 de xaneiro, de protección ambiental de Galicia e no Decreto 442/1990, de 13 de setembro, de avaliación do impacto ambiental para Galicia, para que as persoas e entidades interesadas poidan presentar por escrito as reclamacións ou observacións que consideren oportunas, para o que disporán dun prazo de trinta (30) días hábiles, contados a partir do seguinte ó da publicación deste anuncio no Diario Oficial de Galicia. As mencionadas reclamacións poderán presentalas nas oficinas centrais deste ente público, situadas na praza de Europa, 5A-6º (Área Central) 15707 Santiago de Compostela, e nas oficinas da zona sur, situadas na rúa Benito Corbal, 37-3º, 36001 Pontevedra, onde así mesmo

poderán examina-la documentación correspondente.

Santiago de Compostela, 19 de xuño de 2000.

Manuel García Blanco

Xefe da Área de Planificación e Explotación