De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-los acordos de iniciación dos procedementos sancionadores por infracción administrativa da Lei 10/1998, do 21 de abril, de residuos, (BOE nº 96, do 22 de abril), por non ser posible a súa notificación.
Noméase instructora do procedemento a Ana Mª Díaz López e secretaria a Mª Jesús Budiño Rodríguez, funcionarias desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.
A resolución ser acordada polo delegado provincial desta consellería na Coruña, no primeiro caso e polo conselleiro de Medio Ambiente nos dous últimos, segundo o artigo 37.1º da Lei 10/1998, do 21 de abril, de residuos.
Os interesados disporán dun prazo de quince días, contados a partir do seguinte ó de publicación desta notificación, para que poidan examina-los expedientes na delegación provincial desta consellería na Coruña, sita no edificio administativo de Servicios Múltiples-Monelos, e para achegaren por escrito cantas alegacións, documentos, informacións ou propostas de probas consideren convenientes en defensa dos seus dereitos, así como para a recusación da persoa designada como instructora, se concorre algunha das circunstancias previstas no artigo 28 da Lei 30/1992, do 26 de novembro.
Conforme o establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuar alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario porá fin ó expediente. Para efectualo deberán emprega-lo impreso normalizado que lles será facilitado nesta delegación provincial, sita no edificio administrativo de Servicios Múltiples-Monelos-A Coruña.
O que se lles comunica de acordo coa normativa antes citada, Lei 30/1992, do 26 de novembro e có establecido no R.D. 1398/1993, do 4 de agosto.
A Coruña, 24 de maio de 2000.
Rogelio Aramburu Núñez
Delegado provincial da Coruña
ANEXO
Expediente R.: 2000/0214.
Denunciado: Morandeira López, Manuel.
DNI: 32.380.070-A.
Último enderezo coñecido: lugar Altamira-Irixoa (A Coruña).
Infracción: queima de plásticos, pneumáticos e outros materiais.
Tipificación: artigo 34.4º C) en relación co artigo 34.3º B) da Lei de residuos.
Sanción proposta: 50.000 pesetas.
Expediente R.: 2000/0373.
Denunciado: Souto Martínez, Manuel.
DNI: 32.390.924-R.
Último enderezo coñecido: Vázquez de Parga, 10, 5º B, Carballo (A Coruña).
Infracción: depósito de vehículos en desuso, nun predio.
Tipificación: artigo 34.3º B) da Lei de residuos.
Sanción proposta: 100.001 pesetas.
Expediente R.: 2000/0379.
Denunciado: Costoya Neira, Antonio.
CIF: 32.440.511-T.
Último enderezo coñecido: Marola, 21, 5º A, A Coruña.
Infracción: abandono de dous vehículos, unha caixa de camión e diversa chatarra.
Tipificación: artigo 34.3º B) da Lei de residuos.
Sanción proposta: 100.001 pesetas.