Por decreto da Alcaldía, do 8 de xuño do ano 2000, prestouse aprobación inicial ó proxecto de urbanización da nova vía e parque público entre o paseo
Manuel Cordo Boullosa e a rúa González Besada de Ponte Caldelas, conforme o proxecto presentado por Promociones Caldelas, S.L. e redactado pola arquitecta Teresa Táboas Veleiro.
O que se fai público para xeral coñecemento, facendo constar que o expediente estará exposto ó público nas oficinas municipais de secretaría polo prazo dun mes, mediante a inserción de anuncios no DOG e nun dos xornais de maior circulación da provincia, de conformidade co disposto no artigo 44.3º da Lei 1/1997, do solo de Galicia. O prazo de exposición pública entenderase aberto desde a publicación do primeiro anuncio ata transcorrido un mes desde a última publicación, podendo os interesados examinalo e presentar alegacións ou reclamacións dentro do mesmo prazo.
Ponte Caldelas, 8 de xuño de 2000.
Fidel Rodríguez Toubes
Alcalde