Eu, Camilo J. García-Puertas Magariños, secretario do Xulgado do Social número dos de Santiago de Compostela, dou fe de que nestes autos de xuízo verbal número 625/1999, seguidos neste Xulgado do Social número dos de Santiago de Compostela, por intancia de Alfonso Camino Porteiro, contra E.C. Marítimo, S.L. e Fondo de Garantía Salarial, en reclamación de cantidade, se dictou, con data do 18 de maio de 2000, sentencia cunha decisión do teor literal seguinte:

Que, estimando a demanda promovida por Alfonso Camino Porteiro, fronte á empresa E.C. Marítimo, S.L. e o Fondo de Garantía Salarial, en reclamación de cantidade, debo condenar e condeno á empresa demandada a lle aboar ó demandante, polos conceptos indicados nesta resolución, a cantidade de cento catro mil catrocentas trinta e seis pesetas (104.436 ptas.), máis un 10% en concepto de xuro anual por mora, en proporción ó período transcorrido desde o 20 de xullo de 1999 ata a data desta resolución, condenando o Fondo de Garantía Salarial a estar e pasar por esta resolución.

E para que lle sirva de notificación de sentencia a E.C. Marítimo, S.L. con domicilio na praza de Vigo, edificio Viacambre, 5º G, hoxe en paradoiro descoñecido, facéndolles saber que contra ela non cabe ningún recurso e, verificado, procédase ó arquivo destas actuacións.

E así mesmo, para que conste para efectos de publicación no Diario Oficial de Galicia, expido e asino esta cédula de notificación de sentencia en Santiago de Compostela o xoves 25 de maio de 2000.

O secretario xudicial

Rubricado