En cumprimento do disposto no Decreto 442/1990, do 13 de setembro, de avaliación do impacto ambiental para Galicia, Decreto 327/1991, do 4 de outubro, de avaliación de efectos ambientais para Galicia, os decretos 2617/1966, sobre autorización de instalacións eléctricas, 2619/1966, sobre expropiación forzosa e sancións en materia de instalacións eléctricas, artigos 53 e 54 da Lei 54/1997, do 27 de novembro, do sector eléctrico, artigo 25 da Lei 10/1995, de ordenación do territorio de Galicia, e Decreto 205/1995, polo que se regula o aproveitamento da enerxía eólica na Comunidade Autónoma de Galicia, sométense a información pública, por solicitude da empresa Gamesa Energía, S.A., as instalacións que a continuación se describen:

Obxecto de información pública.

Estudio ambiental.

Autorización administrativa, declaración de utilidade pública e aprobación do proxecto de execución e proxecto sectorial das instalacións que comprende o proxecto do parque eólico de Ameixeiras e Testeiros.

A declaración de utilidade pública levará implícita, de acordo co artigo 54 da Lei 54/1997, do 27 de novembro, do sector eléctrico, a necesidade de urxente ocupación para os efectos de expropiación forzosa dos bens e dereitos afectados necesarios para o establecemento destas instalacións.

Peticionario: Gamesa Energía, S.A.

Enderezo: Avda. do Cruceiro da Coruña, nº 201-A, 15705 Santiago de Compostela.

Lugar: Forcarei, Lalín (Pontevedra) e O Irixo (Ourense).

Localización (coordenadas poligonais en unidades UTM):

V (559.000, 4.712.000), V (560.500, 4.712.000), V (561.500, 4.711.00), V (560.000, 4.710.000), V (559.500, 4.709.000), V (562.500, 4.711.000), V (562.500, 4.710.500), V (562.000, 4.709.500), V (562.500, 4.709.500), V (562.500, 4.708.500), V (561.500, 4.708.000), V (562.000, 4.707.000), V (561.000, 4.707.000), V (560.500, 4.707.500), V (559.500, 4.707.500), V (559.000, 4.707.000), V (557.500, 4.707.000), V (558.000, 4.708.000), V (559.000, 4.708.000), V (559.000, 4.709.000), V (559.500, 4.711.000), V (564.000, 4.714.500), V (564.500, 4.715.000), V (567.000, 4.714.500),

V (567.000, 4.711.000), V (566.000, 4.711.000), V (566.500, 4.709.500), V (565.500, 4.710.000), V (565.000, 4.709.500), V (565.000, 4.707.000), V (562.000, 4.707.000), V (563.500, 4.708.000), V (564.000, 4.707.500), V (564.000, 4.710.000), V (563.500, 4.711.000), V (563.500, 4.711.500), V (564.000, 4.711.500), V (564.500, 4.711.000), V (564.500, 4.711.500), V (564.000, 4.712.000), V (564.000, 4.713.000), V (565.000, 4.712.000), V (566.000, 4.711.500), V (566.500, 4.711.500), V (566.500, 4.713.000).

Características técnicas do parque eólico.

-Nº de aeroxeradores: 75.

-Potencia nominal unitaria: 660 kW.

-Potencia total instalada: 49,5 mW.

-Tipo de aeroxerador: G-47-660 kW.

-Producción neta anual estimada: 2.948 horas/ano.

Orzamento total: 6.620.983.104 ptas.

Características técnicas da infraestructura eléctrica de xeración, transformación e interconexión.

-75 aeroxeradores tipo G-47-660 kW.

-75 centros de transformación de 775 kVA de potencia unitaria e relación de transformación 0,69/20 kV, instalados unitariamente en interior de torre de aeroxerador con seus correspondentes aparellos de seccionamento, manobra e protección.

-Liñas de media tensión subterráneas para evacuación de enerxía a 20 kV, de interconexión entre centros de transformación e centros de recollida de media tensión.

-6 centros de recolla de media tensión para optimización de transporte de enerxía dotados cada un de transformador para servicios auxiliares e dos seus correspondentes aparellos de seccionamento, manobra e protección.

-Liñas de media tensión subterráneas para evacuación de enerxía a 20 kV, de interconexión entre centros de recolla de media tensión e subestación transformadora de 20/220 kV.

-Subestación transformadora 20/220 kV para evacuación de enerxía producida no parque eólico de Ameixeiras e Testeiros, composta por un transformador principal 20/220 kV de 50/57 MVA de potencia nominal e un transformador para servicios auxiliares 24/0,40 kV de 500 KVA de potencia nominal cos correspondentes equipos de control, seccionamento, manobra, medida e protección.

Afección a predios particulares.

(S.E.) Superficie de expropiación de pleno dominio dos terreos afectados.

(S.P.) Servidume de paso que implica a construcción de camiños e canalizacións subterráneas coas seguintes limitacións de dominio permanentes:

-Dereito de libre paso ou acceso peonil e equipamentos para a construcción, montaxe, supervisión

e vixiancia, conservación ou reparación das instalacións.

-Servidume de paso subterráneo que comprende a ocupación do subsolo polas liñas eléctricas subterráneas aloxadas en gabias.

-Prohibición de efectuar remoción do terreo ou calquera tipo de obras ou actos que poidan dañar ou prexudica-los camiños e instalacións.

(S.V.) Servidume de voo das pas dos aeroxeradores.

(P.E.) Superficie de protección eólica afectada pola seguinte limitación de dominio.

Prohibición de situar obstáculos de altura superior a 10 metros (construccións, árbores, postes ou outros).

(O.T.) Ocupación temporal dos terreos durante un prazo de 18 meses.

O que se fai público para coñecemento xeral e dos propietarios dos predios e demais titulares afectados que non chegaron a un acordo coa entidade solicitante e que figuran na relación que se insire como anexo deste anuncio, así como as persoas que, sendo titulares de dereitos reais ou intereses económicos sobre os bens afectados, fosen omitidos, para que poidan examina-lo proxecto e presenta-las obxeccións ou alegacións que consideren oportunas, nesta dirección xeral sita no edificio administrativo San Caetano, bloque 5, 4ª planta, 15771 (Santiago de Compostela) ou ben nas delegacións provinciais da Consellería de Industria e Comercio de Pontevedra e Ourense, no prazo de 30 días, contados a partir da última publicación deste anuncio.

Así mesmo, o estudio ambiental correspondente ás instalacións do parque eólico de Ameixeiras e Testeiros poderase examinar nas dependencias da Dirección Xeral de Industria, Dirección Xeral de Calidade e Avaliación Ambiental, delegacións provinciais da Consellería de Industria e Comercio de Pontevedra e Ourense, delegacións provinciais da Consellería de Medio Ambiente de Pontevedra e Ourense e Concellos de Forcarei, Lalín (Pontevedra) e Irixo (Ourense), podendo presentarse cantas alegacións se consideren pertinentes ante a Dirección Xeral de Industria ou delegacións provinciais da Consellería de Industria e Comercio de Pontevedra e Ourense, dentro do mesmo prazo sinalado no parágrafo anterior. Finalizado o devandito prazo, o expediente xunto coas alegacións recibidas remitiránselle á Dirección Xeral de Calidade e Avaliación Ambiental.

É de facer constar que esta publicación realizarase igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar ou o medio de notificación, ou ben, tentada a notificación, non se puidese realizar.

Santiago de Compostela, 29 de maio de 2000.

Ramón Ordás Badía

Director xeral de Industria

ANEXO

Relación de bens e dereitos afectados.

Parque eólico de Ameixeiras-Testeiros.