Con data do 30 de maio de 2000, o Comité Galego de Xustiza Deportiva recibe da Sección Primeira da Sala do Contencioso-Administrativo do Tribunal Superior de Xustiza de Galicia providencia pola que se admite o recurso contencioso-administrativo 01/0000369/2000 interposto polo Club de Tenis da Coruña contra a resolución do Comité Galego de Xustiza Deportiva do 18 de febreiro de 2000 (recurso 622) sobre eleccións no Club de Tenis da Coruña.

En consecuencia, a Secretaría Xeral para o Deporte acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do expediente administrativo á referida sala, o que se lles notifica para xeral coñecemento a tódalas persoas interesadas no procedemento e son emprazadas para que poidan comparecer como parte en autos na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 7 de xuño de 2000.

Eduardo Lamas Sanchez

Secretario xeral para o Deporte