Especialista en cirurxía cardíaca, xefe clínico, referencia: XCC.
Titulación: título homologado en medicina e cirurxía, con especialidade en cirurxía cardiovascular.
Formación específica en dirección ou organización de institucións sanitarias.
Experiencia: experiencia mínima de dez anos como especialista en cirurxía cardiovascular, acreditando a realización dun mínimo de 1.000 intervencións
con circulación extracorpórea. Experiencia acreditada en postos de responsabilidade nun servicio de cirurxía cardiovascular durante un mínimo de cinco anos.
Procedemento de selección: valoración dos méritos (65%) e entrevista persoal (35%).
Presentación de solicitudes: os interesados que cumpran os requisitos esixidos deberán remiti-lo seu currículo, indicando a referencia que se indica, no prazo improrrogable de quince días naturais contados desde o día seguinte ó da publicación da convocatoria no Diario Oficial de Galicia, a: Instituto Galego de Medicina Técnica, praza Europa, portal 5A, 6ºB, 15703 Santiago de Compostela.
Deberá presentarse copia compulsada dos certificados de servicios prestados, dos diplomas acreditativos de cursos, e do título mínimo esixido para cada convocatoria.
Íñigo Álvarez Canoa
Director xerente do Instituto Galego de Medicina
Técnica, S.A.