Anúnciase que o Concello Pleno, en sesión ordinaria do día 2 de xuño de 2000, adoptou, entre outros, o seguinte acordo:
«O Concello Pleno, por quince votos a favor e doce en contra, acordou:
1. Aprobar inicialmente, por pedimento de Basilio Martínez Serodio, en representación de Xardín das Burgas, S.A. a modificación puntual do PXOU de Ourense para a implantación dun equipamento termal na zona de mananciais, coñecida como Xardíns das Burgas, condicionada o cumprimento das condicións sinaladas no informe da CPTOPV con data do 24 de maio de 2000.
2. Somete-lo expediente ó período de información pública por un prazo mínimo dun mes, mediante anuncio que se publicará no DOG, no BOP e nun dos xornais de maior circulación na provincia e notificación persoal os interesados no expediente».
O dito expediente atópase no Negociado de Planeamento e Xestión Urbanística, para, de conformidade co disposto no artigo 42 da Lei de Galicia 1/1997, do 24 de marzo, sometelo a exposición pública polo prazo dun mes, que comezará a contar a partir do día seguinte ó da publicación oficial deste anuncio, para que tódalas persoas interesadas poidan achega-las alegacións que estimen pertinentes.
Ourense, 7 de xuño de 2000.
Manuel Jaime Cabezas Enríquez
Alcalde-presidente