Visto o texto do convenio colectivo para a empresa Frigoríficos de Galicia, S.A. (Frigalsa), con nº de código 3600652, que tivo entrada nesta delegación provincial o día 8-5-2000, subscrito en representación da parte económica pola representación da empresa, e da parte social, polo comité de empresa, o 28-4-2000. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de
funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 9 de maio de 2000.
Antonio Coello Bufill
Delegado provincial de Pontevedra
Convenio colectivo de Frigorificos de Galicia, S.A. (Frigalsa) para o ano 2000
Artigo 1º.-Ámbito de aplicación.
Este convenio regulará as condicións laborais e económicas da empresa Frigoríficos de Galicia, S.A. (Frigalsa) e atinxe a tódolos traballadores que prestan actualmente servicios nela, así como aqueles que sexan admitidos posteriormente, coa aclaración indicada no artigo 4º.
Artigo 2º.-Vixencia e duración.
O presente convenio entrará en vigor o 1 de xaneiro de 2000 e finalizará o 31 de decembro do mesmo ano; será prorrogado se non existir denuncia expresa dalgunha das partes, cun mes de anticipación ó seu vencemento.
Artigo 3º.-Incremento salarial.
Para o ano 2000, a táboa salarial vixente durante o ano 1999 verase incrementada no 3% para tódolos conceptos retributivos. Se este incremento fose superado polo IPC oficial sinalado polo INE, revisarase ata un tope máximo do 0,5%.
Artigo 4º.-Condicións absorbibles.
Terán carácter de absorbibles e compensables en cómputo anual coas condicións aquí establecidas as melloras económicas e sociais que puidesen ser establecidas por calquera disposición durante a vixencia deste convenio.
Artigo 5º.-Xornada de traballo.
A xornada efectiva de traballo para todo o persoal da empresa será de 1.800 horas anuais distribuídas de luns a venres en xornada partida de 8 a 13 e de 15 a 18 horas, a excepción do novo persoal que poida ser contratado a partir do 1 de xaneiro de 1987, que convirá o seu horario coa empresa e o novo traballador. A xornada semanal tipo será de 40 horas ou a que se acorde nos traballos por quendas.
Artigo 6º.-Vacacións.
O descanso anual retribuído será de 30 días naturais, entre os que, polo menos 22, serán laborables, entendendo como tales para estes efectos os que non sexan sábados, domingos nin festivos. O seu desfrute realizarase, preferentemente, no período estival e segundo as necesidades de traballo na empresa, efectuándose dentro do persoal unha quenda rotativa canto á prioridade de solicita-la época do seu desfrute.
A empresa publicará o cadro de vacacións de todo o persoal no mes de febreiro de cada ano e entregará unha copia ó comité de empresa. A retribución do período de vacacións consistirá na totalidade do soldo percibido no mes anterior, a excepción das horas extra e a gratificación de transporte.
Artigo 7º.-Licencias.
A empresa concederalles obrigatoriamente licencia ós traballadores que o soliciten e o xustifiquen debidamente, sen perda nin prexuízo na retribución nos seguintes casos:
a) Casamento, quince días.
b) Nacemento de fillos ou enfermidade grave do cónxuxe, pais ou fillos, dous días, todo ampliable a tres días máis se se xustifica debidamente a súa necesidade, e sen retribución.
c) Falecemento de: cónxuxe pais; fillos e irmáns (consanguíneos ou políticos), tres días, falecemento dos demais parentes, un día.
d) Por traslado de domicilio habitual, dous días.
e) Casamento de fillos ou irmáns, 1 día.
f) A empresa concederalles permisos non retribuídos ós traballadores que o soliciten, polo menos con tres días de anticipación e sempre que as esixencias do servicio o permitan, estea suficientemente xustificado e poidan ser substituídos, establecéndose un máximo de cinco días laborables. Non poderán coincidir máis de dous traballadores no mesmo período.
Artigo 8º.-Antigüidade.
Pagarase por cuadrienios, consonte os importes correspondentes a cada categoría segundo se indica na táboa salarial anexa.
Artigo 9º.-Vestiario.
A reposición do vestiario do persoal será anual e efectuarase no mes de setembro de cada ano.
En canto ó persoal fixo-descontinuo, entregaránselle as pezas de roupa cada vez que realice o total de xornadas correspondentes ó ano de traballo (225 xornais).
Artigo 10º.-Pagas extraordinarias.
As pagas extraordinarais serán tres no ano da contía de 30 días do salario real máis antigüidade cada unha, e percibiranse o 15 de marzo, 15 de xullo e 15 de decembro de cada ano.
Artigo 11º.-Gratificación de transporte e distancia.
Establécese un complemento de transporte e distancia na contía total de 198 pesetas por un día efectivo de traballo.
Artigo 12º.-Complemento prestacional.
A empresa complementará ata un cento por cento a prestación correspondente á Seguridade Social, nos supostos de incapacidade temporal derivada da continxencia de accidente de traballo e enfermidade profesional.
Así mesmo, a empresa complementaralles ata un cento por cento a prestación correspondente á Seguridade Social ós traballadores que sufrisen unha intervención cirúrxica e o acrediten debidamente.
Artigo 13º.-Horas extraordinarias.
Ante a grave situación de desemprego existente e co obxecto de facilita-lo emprego, quedan suprimidas as horas extraordinarias habituais.
Exceptúase da norma anterior:
a) As horas extraordinarias esixidas pola reparación de sinistros ou outros danos extraordinarios e urxentes, así como os casos de risco de perda de materias primas e terminación de tarefas de carga e descarga de productos perecedoiros, neste caso, igualmente por causa extraordinaria non habitual, cun tope máximo dunha hora diaria, será de realización obrigatoria.
b) As horas extraordinarias causadas por pedidos ou períodos punta de producción, ausencias imprevistas, cambios de quenda e outras circunstancias de carácter estructural derivadas da natureza perecedoira das materias que se tratan, así como a subministración de xeo ós barcos pesqueiros, manteranse sempre que non caiba a utilización das disintas modalidades de contratación temporal ou parcial previstos nas disposicións xerais.
A dirección da empresa informará mensualmente o comité de empresa ou os delegados de persoal sobre o número de horas extraordinarias realizadas, especificando as causas e, se for o caso, a distribución por seccións. Así mesmo, en función desta información e dos criterios sinalados anteriormente, a empresa e os representantes dos traballadores determinarán o carácter e natureza das horas extraordinarias.
En aclaración do concepto de hora estructural que contén o A.I., serán consideradas como tales as esixidas para a reparación de sinistros ou outros danos extraordinarios; as necesarias ante un risco de perda de materias primas e terminación de tarefas de carga e descarga de productos perecedoiros, e as necesarias para atender períodos punta de producción.
Artigo 14º.-Valor das horas extraordinarias.
O valor de cada hora extraordinaria será de 1.347 ptas., excepto as traballadas en sábados e festivos, que será de 2.473 ptas. A partir das 22 horas, as horas extraordinarias terán un valor de 3.092 ptas. nos sábados e festivos, e de 1.685 ptas. nos restantes días.
Artigo 15º.-Revisión médica.
A empresa porá ó dispor de todo o persoal unha revisión médica anual.
Artigo 16º.-Descanso de bocadillo.
Todo o persoal terá dereito a un descanso retribuído de 10 minutos, comprendidos entre as 10 e as 11 horas de cada día. Este descanso será distribuído polos encargados das seccións correspondentes.
Artigo 17º.-Comisión paritaria.
A comisión paritaria está formada, canto á empresa, por Teófilo Ceniceros Gallego, Adolfo Viéitez Davila e Jacinto Salvador Fernández, e por parte dos traballadores, por José Fernández González, Luciano Villar Rodríguez e Juan Carlos Sobrido Valverde.
Artigo 18º
Asinan este convenio, por parte da empresa; Teófilo Ceniceros Gallego (director xeral), Jacinto Salvador Fernández (director administrativo); Adolfo Viéitez Davila (director de planta) e Esperanza Riobó Ibáñez (administrativa). Como asesores da empresa: Manuel Blázquez Pallarés e Míriam Blázquez Astorga. E por parte dos traballadores, os membros do comité de empresa, José Fernández González, Luciano Villar Rodríguez, Jesús Sanmartín Torres. Non asinan este convenio coelctivo Juan Carlos Sobrido Valverde e José Manuel Campelos López.
Vigo, abril de 2000.
Anexo convenio colectivo ano 2000-táboa salarial
Categoría base convenio ou nocturno voluntaria Total mes Cuadrienio
Soldo
Complemento
Tox. penoso
Gratif.
Director administrativo 127.755 42.754 - 101.802 272.311 7.286 Xefe sección 108.502 40.147 - 76.345 224.994 6.186 Oficial 1ª administrativo 108.502 39.129 - 63.630 211.261 6.186 Oficial 2ª administrativo 102.515 34.038 - 37.099 173.652 5.845 Oficial 3ª administrativo 96.439 32.020 - 34.904 163.363 5.484 Auxiliar Admtvo. nivel 1 89.917 31.495 - 36.074 157.486 5.112 Auxiliar Admtvo. nivel 2 64.594 21.445 - 23.379 109.418 3.672 Auxiliar Admtvo. nivel 3 61.132 20.297 - 22.124 103.553 3.475 Telefonista 57.674 19.149 - 20.873 97.696 3.303 Aprendiz Admtvo. 56.518 18.767 - 20.455 95.740 3.213 Mozo dos recados/ordenanza 55.366 18.383 - 20.038 93.787 3.148
Categoría base convenio ou nocturno voluntaria Total mes Cuadrienio
Soldo
Complemento
Tox. penoso
Gratif.
Xefe de sección 108.502 40.147 - 76.345 224.994 6.186 Oficial 1ª 101.311 30.533 20.261 27.924 180.029 5.761 Oficial 2ª 99.815 27.371 19.962 28.268 175.416 5.675 Oficial 3ª 92.595 27.904 18.519 25.525 164.543 5.265 Peón especialista 89.915 27.094 17.983 24.781 159.773 5.126 Axudante 95.920 28.439 19.184 14.032 157.575 5.453 Peón estibador 83.336 15.519 16.666 - 115.521 4.738 Peón 72.054 13.425 14.412 - 99.891 4.096 Xefe de sección 108.502 40.147 - 76.345 224.994 6.186 Maquinista 105.299 31.496 21.061 28.096 185.952 5.987 Oficial 1º maquinista 104.410 30.438 20.882 24.774 180.504 5.935 Oficial 2º maquinista 99.815 27.371 19.962 28.268 175.416 5.675 Axudante máquinas N-1 95.918 27.488 19.184 20.903 163.493 5.452 Axudante máquinas N-2 95.918 27.488 19.184 14.990 157.580 5.452 Axudante máquinas N-3 68.741 19.696 13.747 14.980 117.164 3.909 Axudante máquinas N-4 57.279 16.415 11.456 12.484 97.634 3.257 Vixilante N-1 87.452 22.081 8.746 18.483 136.762 4.973 Vixilante N-2 69.288 17.486 6.929 14.652 108.355 3.939 Muller limpeza N-1 86.175 22.522 - 25.711 134.408 4.900 Muller limpeza N-2 63.179 16.508 - 18.848 98.535 3.592