A Consellería de Economía e Facenda anuncia o concurso público, polo procedemento aberto e tramitación ordinaria, para a contratación da submi
nistración de documentos contables. As características básicas da contratación son as seguintes:
1. Entidade adxudicadora.
a) Organismo: Consellería de Economía e Facenda.
b) Dependencia que tramita o expediente: Secretaría Xeral e do Patrimonio.
c) Número de expediente: 13/2000.
2. Obxecto do contrato.
a) Descrición do obxecto: subministración de documentos contables.
b) Lugar de entrega: o lugar sinalado na cláusula 6 do Prego de cláusulas administrativas.
c) Prazo de entrega: o prazo de entrega será de tres días hábiles contados a partir da data de cada pedido que efectúe a Administración.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma de adxudicación: concurso público.
4. Orzamento base de licitación.
Importe total: dous millóns cincocentas mil pesetas (2.500.000) IVE incluído. (15.025,303 euros).
5. Garantías.
Provisional: 50.000 ptas. (300,506 euros).
Definitiva: o 4% do importe de adxudicación.
6. Obtención de documentación e información.
a) Entidade: Secretaría Xeral e do Patrimonio, Servicio de Xestión Económica e Control Orzamentario (Habilitación de pagamentos).
b) Domicilio: San Caetano, s/n.
c) Localidade e código postal: Santiago de Compostela, 15704.
d) Teléfono: 981 54 41 47.
e) Telefax: 981 54 41 25.
f) Data límite de obtención de documentos e información: será a mesma que para a presentación de proposicións.
7. Requisitos específicos do contratista.
a) Clasificación: non se esixe.
b) Outros requisitos: a xustificación da solvencia económica realizarase por algún dos medios sinalados no artigo 16 da Lei 13/1995, do 18 de maio, de contratos das administracións públicas (LCAP). A xustificación da solvencia técnica do xeito indicado nas letras a) ou b) do artigo 18 da LCAP.
8. Presentación de ofertas.
a) Data límite de presentación: 15 días naturais que se contarán a partir do seguinte ó da publicación desta resolución no DOG.
b) Documentación que hai que presentar: a indicada na cláusula 7 do PCA.
c) Lugar de presentación: no rexistro xeral da Consellería de Economía e Facenda, ou por correo, na forma establecida no artigo 100 do Regulamento xeral de contratación do Estado; rúa San Caetano, s/n, 15704 Santiago de Compostela.
9. Apertura das ofertas.
a) Entidade: Consellería de Economía e Facenda; rúa San Caetano, s/n, Santiago de Compostela.
b) Data e hora: ás 13 horas do quinto día natural, sempre que non sexa sábado ou día inhábil, seguinte ó de finalización do prazo de presentación das proposicións.
10. Gastos de anuncios: por conta do adxudicatario.
Santiago de Compostela, 19 de maio de 2000.
(P.D. Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda
