En cumprimento do disposto no artigo 5, punto 2º, do Decreto 442/1990, do 4 de outubro, de avaliación de impacto ambiental para Galicia (DOG 188, do 25 de setembro), e durante o prazo de trinta días, o órgano ambiental someterá o estudio de impacto ambiental ó trámite de información pública mediante anuncio no Diario Oficial de Galicia.

Na súa virtude,

RESOLVO:

1. Someter a información pública o estudio de impacto ambiental do proxecto clausura, selaxe e rexeneración ambiental do vertedoiro da estación invernal de Cabeza de Manzaneda, A Pobra de Trives (Ourense).

2. Para os devanditos efectos informativos poranse á disposición dos administrados exemplares nas seguintes dependencias:

-Dirección Xeral de Calidade e Avaliación Ambiental.

-Delegación Provincial da Consellería de Medio Ambiente da provincia de Ourense.

3. As alegacións formularanse durante o prazo de trinta días, contados a partir do día seguinte ó da publicación desta resolución no Diario Oficial de Galicia.

Santiago de Compostela, 11 de maio de 2000.

Francisco Pan-Montojo González

Director xeral de Calidade e Avaliación Ambiental