De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e
Conciliación desta delegación provincial foron depositados a acta de constitución e os estatutos da Organización de Autónomos y Profesionales de la Localidad de Tui, que abarcan os seguintes ámbitos.
Territorial: local.
Profesional: empresas integradas en tódolos gremios, oficios, profesións libres, actividades artísticas, agrícolas, gandeiras, pesqueiras e tódalas que realicen un traballo por conta propia ou exerzan a súa actividade no ámbito territorial de Tui.
Asinan a acta de constitución: José Ramón Rey Vilar e outros.
Os estatutos depositados poderán ser examinados por calquera persoa interesada.
Vigo, 9 de maio de 2000.
Antonio Coello Bufill
Delegado provincial de Pontevedra