A Orde do 27 de xaneiro de 1999, pola que se anunciaba a apertura do prazo de presentación de solicitudes para contratacións laborais de carácter temporal dedicadas á realización de traballos ocasionais de carácter silvícola e ambiental durante 1999, tiña como obxecto a elaboración de listas coas persoas interesadas na cobertura temporal de postos de traballo naqueles servicios dependentes da Consellería de Medio Ambiente e suxeición ós condicionantes orzamentarios que levasen a cabo traballos ocasionais de carácter silvícola e ambiental.

Para o ano 2000, e en tanto non se teña culminado o Plan de Consolidación de Emprego Estructural que se está a levar a cabo na Consellería de Medio Ambiente dentro dos acordos sobre medidas para o crecemento de emprego en Galicia 1998-2001, é preciso contar con persoal para a realización de traballos silvícolas e ambientais nos servicios de Medio Ambiente Natural e no Centro de Investi

gacións Forestais de Lourizán, nos mesmos termos establecidos na devandita Orde do 27 de xaneiro de 1999, utilizando para as listas xa confeccionadas ó seu abeiro, correspondentes ás distintas categorías recollidas nela.

Polo exposto, de conformidade co disposto nos artigos 27 números 10 e 30 do Estatuto de autonomía de Galicia e 34 da Lei 1/1983, do 22 de febreiro, reguladora da Xunta e do seu presidente, así como o Decreto 482/1997, do 30 de decembro,

DISPOÑO:

Artigo único.-Prorroga-la vixencia das listas formadas ó abeiro da orde desta consellería do 27 de xaneiro de 1999, pola que se anuncia a apertura do prazo de presentación de solicitudes para contratacións laborais de carácter temporal dedicadas á realización de traballos ocasionais de carácter silvícola e ambiental, en tanto non sexan elaboradas outras, se é o caso.

Disposición transitoria

A Orde do 27 de xaneiro de 1999 manterá a súa vixencia en todo aquilo que non se opoña ó contido da presente orde.

Disposición derradeira

A presente orde terá efectos desde o día seguinte ó da súa publicación no Diario Oficial de Galicia.

Santiago de Compostela, 29 de maio de 2000.

José Carlos del Álamo Jiménez

Conselleiro de Medio Ambiente