Por Orde do 31 de xaneiro de 2000 (DOG nº 28, do 10 de febreiro), a Consellería de Xustiza, Interior e Relacións Laborais anunciou medidas de apoio á Policía Local de Galicia, consistentes na cesión de vehículos especialmente preparados para o exercicio das súas funcións.
Analizadas as solicitudes e a súa documentación polos servicios competentes da Dirección Xeral de Xustiza e Administración Local, emitiuse o correspondente informe, e de conformidade co punto 5º.2 da devandita orde
RESOLVO:
Primeiro.-Conceder con cargo á aplicación 13.02.624.0, programa 123.A, dos orzamentos xerais da Comunidade Autónoma de Galicia para 2000, a cesión en propiedade dun vehículo equipado para uso da policía local ós seguintes concellos: Ames; Camariñas; Fisterra; Porto do Son; Valdoviño; Burela; Friol; A Pobra de Trives; Vilamartín de Valdeorras; O Grove; A Guarda; Moaña; Tui; Vila de Cruces.
Segundo.-Notificárlle-lo contido desta resolución ós concellos beneficiarios, especificando as condicións particulares que deberán cumprir, e que se formalizarán mediante convenio no que constará o acordo da cesión e a aceptación do cesionario.
Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes contado a partir do día seguinte ó da publicación desta orde, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ó da publicación desta orde. En todo caso non se poderá inter
poñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Santiago de Compostela, 22 de maio de 2000.
Antonio Pillado Montero
Conselleiro de Xustiza, Interior e Relacións Laborais