Para os efectos previstos na Lei 54/1997, do 27 de novembro, no artigo 9 do Decreto 2617/1966, e no artigo 10 e 16 do Decreto 2619/1966, Decreto 442/1990 e Decreto 327/1991, sométese a información pública a petición da autorización, declaración de utilidde pública, en concreto, a urxente ocupación e o estudio ambiental, da instalación eléctrica que se describe:

-Solicitante: Gamesa Energía, S.A.

-Domicilio social: Avda. do Cruceiro da Coruña, 201, 15760 Santiago de Compostela.

-Denominación: L.A.T. de Sub. P.E. Ameixeiras a P.E. Masgalán.

-Situación: Lalín, Silleda e Forcarei.

-Descrición técnicas:

L.A.T. aérea, a 220 kV, de 9.738 m. de lonxitude total, con conductor LA-455 Simplex, sobre apoios

metálicos, desde a subestación do futuro P.E. Ameixeiras ata o futuro P.E. Masgalán, discorrendo o trazado polos concellos de Lalín, Silleda e Forcarei. Primeiro tramo desde a subestación do futuro P.E. Ameixeiras, de 3.700 m de lonxitude, en dobre circuíto, común coa L.A.T. P.E. Ameixeiras-P.E. Serra do Cando, ata o punto de derivación do segundo tramo, de 6.038 m de lonxitude, igualmente en dobre circuíto, rematando no futuro P.E. Masgalán.

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidade que se consideren afectadas poderán presenta-las súas alegacións nesta delegación provincial, por duplicado, no prazo de trinta días, a partir da última publicación ou notificación individual.

Así mesmo, o estudio ambiental correspondente ás instalacións da liña poderase examinar nas dependencias da Dirección Xeral de Industria, Dirección Xeral de Calidade e Avaliación Ambiental, Delegación Provincial da Consellería de Medio Ambiente de Pontevedra, concellos de Lalín, Silleda e Forcarei, e Delegación Provincial da Consellería de Industria e Comercio de Pontevedra, podendo presentarse ante ela, na rúa Eduardo Pondal nº 64, 36003 Pontevedra, cantas alegacións se consideren dentro do mesmo prazo sinalado no parágrafo anterior. Finalizado o dito prazo, o expediente, xunto coas alegacións recibidas, remitiranse á Dirección Xeral de Calidade e Avaliación Ambiental.

Durante o dito período calquera persoa poderá achegar por escrito os datos oportunos para rectificar posibles erros na relación de persoas, bens e dereitos afectados, así como formula-las posibles alegacións por razón do disposto nos artigo 25 e 26 do regulamneto da Lei 10/1966, de expropiación forzosa e sancións en materia de instalacións eléctricas.

Pontevedra, 22 de maio de 2000.

Carmen Bianchi Valcarce

Delegada provincial de Pontevedra

Relación de propietarios, bens e dereitos afectados

Expediente: L.A.T. 220 kV P.E. Masgalán-P.E. Ameixeiras

Termo municipal: Forcarei.

Termo municipal: Silleda.

Termo municipal: Lalín.

Anexo:

Os apoios nº do 1 ó 11, non figuran nesta relación, dado que son apoios comúns á L.A.T. 220 kV P.E. Masgalán-P.E. Ameixeiras e a L.A.T. 220 kV P.E. Ameixeiras-P.E. Cando, e figuran na relación de bens e dereitos desta última.