Ó abeiro do establecido na Lei 16/1987, do 30 de xullo, de ordenación dos transportes terrestres,

e no seu regulamento de execución, aprobado por Real decreto 1211/1990, do 28 de setembro, iniciouse expediente de modificación concesional (ampliación de tráficos) mediante o establecemento de expedicións directas entre A Coruña e as localidades comprendidas no tramo Santiago-Ourense, dentro da concesión do servicio público regular permanente de uso xeral de transporte de viaxeiros por estrada V-7022; XG-396, A Coruña a Vigo e a Muros, con anexos e anexos-desviación, da titularidade da empresa Castromil, S.A.

Os interesados ou afectados no expediente poderán comparecer en forma no procedemento e, tralo exame da documentación pertinente no Servicio Provincial de Transportes da Coruña, Pontevedra (estación de autobuses) e Ourense (r/ Curros Enríquez, 1, entreplanta), efectua-las alegacións que estimen oportunas no prazo dun mes contado a partir do día seguinte ó da publicación deste anuncio no Diario Oficial de Galicia.

Santiago de Compostela, 27 de abril de 2000.

Juan Carlos Villarino Tejada

Director xeral de Transportes