O Pleno do Concello de Vigo, en sesión do día 24 de abril de 2000, acordou desestima-las alegacións presentadas durante o período de información Pública e aprobar definitivamente o expediente de modificación puntual do Plan especial e catálogo complementario de edificios, conxuntos e elementos para conservar de Vigo, no cuarteirón nº 8, co contido que na memoria se especifica: modificación das aliñacións interiores do cuarteirón nº 23, catalogado como API no proxecto de urbanización, e modificación das fichas dos edificios situados na rúa Policarpo Sanz nº 24-26 e Velázquez Moreno nº 18-20, para a súa rehabilitación como Centro Cultural Caixa Vigo, no sentido de suprimi-lo límite de altura das edificacións de referencia fixado nas súas correspondentes fichas, pasando a rexe-los límites xerais das ordenanzas do PEEC por largo de rúa, 21 metros e 15 metros para as rúas Policarpo Sanz e Velázquez Moreno respectivamente, sen outras excepcións que as necesarias, co fin de posibilitar un
axuste coherente entre a altura en dimensión e en número de plantas, deixándolle dentro destes límites á Comisión de Seguimento do PEEC a tarefa de determina-las alturas das edificacións en cuestión; conforme a memoria e documentación elaborada polo arquitecto municipal adscrito á Oficinal de Planeamento e Xestión da Xerencia Municipal de Urbanismo, de setembro de 1999, coas modificacións e correccións que se recollen no citada acordo plenario.
O que se fai público para xeral coñecemento, de conformidade co establecidono artigo 48.2º da Lei 1/9997, do 24 de marzo, do solo de Galicia, significando que contra o devandito acordo, que pon fin á vía administrativa, poderán interpoñerese os seguintes recursos:
a) Contencioso-administrativo perante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
b) Calquera outro recurso que se considere oportuno e sexa procedente intepoñer.
De conformidade co artigo 59 da Lei 30/1992, do 26 de novembro, LRXAP-PAC, por medio deste anuncio e publicación no taboleiro de edictos do concello notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se poida practica-la notificación intentada.
Vigo, 11 de maio de 2000.
Lois Pérez Castrillo
Alcalde-presidente da Xerencia Municipal
de Urbanismo de Vigo
