De conformidade co disposto estatutariamente, e por acordo do consello de administración, convócase asemblea xeral ordinaria da Caixa de Aforros Provincial de Pontevedra para o día oito de xuño de dous mil, que terá lugar no auditorio, situado no edificio social da entidade, sito na rúa Augusto González Besada, 2 e 4 de Pontevedra (acceso polo polígono de Campolongo), ás 18 horas na primeira convocatoria, e de se-lo caso, en segunda convocatoria, no mesmo día e en igual lugar, as 18.30 horas, para trata-los asuntos comprendidos na seguinte:
Orde do día.
1. Confección da lista de asistentes para a determinación do quórum e constitución válida da asemblea.
2. Aprobación, de se-lo caso, da xestión do consello de administración, informe anual, balance, conta de resultados e proposta de aplicación destes. Informe ó respecto da comisión de control. Informe de auditores externos.
3. Aprobación, de se-lo caso, das liñas xerais do plan de actuación anual.
4. Liquidación do orzamento da OBS 1999 e orzamento para o ano 2000.
5. Exame e aprobación da fusión de Caixa de Aforros Provincial de Pontevedra e da Caixa de Aforros de Vigo e Ourense, como segunda fase da integración.
6. Aprobación, se é o caso, como balance de fusión, do balance da entidade pechado ó 31 de decembro de 1999, verificado polos auditores de contas.
7. Aprobación, se é o caso, das modificacións estatutarias que se producirán na Caixa de Aforros de Vigo e Ourense, do texto refundido dos estatutos polos que se rexerá a Caixa de Aforros de Vigo, Ourense e Pontevedra e do regulamento do sistema de designación e elección dos órganos de goberno.
8. Aprobación, se é o caso, dos pactos complementarios da fusión.
9. Documentación de acordos e delegación de facultades.
10. Aprobaciónda acta da sesión.
Con quince días de antelación á data da asemblea, os conselleiros xerais terán á súa disposición, na secretaría técnica da entidade, toda a documentación necesaria para a análise dos puntos que contén a orde do día establecida.
Pontevedra, 3 de maio de 2000.
Manuel Campos Villarino
Presidente do consello de administración