La Voz de Galicia, a través da súa Fundación Fernández Latorre, anuncia a convocatoria do XLII Premio Fernández Latorre e invita a persoas e insti
tucións a participar en calquera das súas modalidades.
Este premio réxese polas seguintes bases:
1. Premios:
Concederase o Premio Fernández Latorre de prensa escrita, dotado este ano con 1.000.000 de pesetas, ó traballo xornalístico publicado en calquera medio de comunicación entre o 25 de xullo de 1999 e o 6 de maio de 2000.
Concederase o Premio Fernández Latorre de radio dotado con 1.000.000 de pesetas, ó traballo emitido por calquera emisora española ou portuguesa entre o 25 de xullo de 1999 e o 6 de maio de 2000.
Concederase o Premio Fernández Latorre de televisión e medios audiovisuais, dotado con 1.000.000 de pesetas, ó traballo emitido por calquera canle, entre o 25 de xullo de 1999 e o 6 de maio de 2000, ou ó mellor proxecto multimedia en soporte audiovisual editado entre ámbalas dúas datas.
2. Resolución e entrega:
A resolución farase publica en La Voz de Galicia o 25 de xullo, festividade do Apóstolo Santiago e Día de Galicia.
As decisións e a resolución do xurado son inapelables.
Os premios entregaranse no transcurso dun acto que terá lugar no derradeiro trimestre de 2000.
3. Xurado:
O xurado, que estará composto por membros de La Voz de Galicia e outras persoas representativas no campo da comunicación e a cultura, téra, ademais das facultades normais de emitir e discerni-lo premio, as de interpretar estas bases.
4. Presentación de traballos:
Os traballos deberán enviarse por triplicado á Fundación Fernández Latorre, Avda. de la Prensea, 84-85, polígono industrial de Sabón, 15142 Arteixo (A Coruña), ata o 30 de xuño de 2000, coa indicación «Premios Fernández Latorre». Os que se emitan por radio ou televisión deberán acreditarse cunha certificación do director da emisora ou centro de televisión e as tres cintas correspondentes.
Os traballos poderán ser presentados polo propio autor ou autores, polo xurado ou por calquera persoa ou entidade. Neste último caso, debe acreditarse o consentimento do candidato.
5. Condicións:
A presentación a estes premios supón a conformidade dos participantes coas bases e leva implícita a autorización á difusión dos traballos premiados, sen finalidade lucrativa e por un período de tempo non superior a seis meses.
Santiago Rey Fernández-Latorre
Presidente da Fundación Fernández-Latorre