Aprobados inicialmente pola Comisión de Goberno, en sesión do 6 de abril de 2000, os proxectos técnicos das obras de Inst. Elect. iluminación pública Piloño, e parque público Vila de Cruces, redactados polo enxeñeiro industrial Eliseo Diéguez García e polo enxeñeiro técnico agrícola Manuel Souto López, respectivamente, quedan expostos ó público na secretaría deste concello, durante o prazo de quince días hábiles, que empezarán a contarse desde o día seguinte ó da inserción do presente edicto no BOP, para efectos de exame e reclamacións.
Na mesma sesión tamén se aprobaron os pregos de cláusulas administrativas que rexerán o concurso público e procedemento aberto da obra de parque público Vila de Cruces, expoñéndose ó público por un prazo de oito días hábiles, para os efectos de que os interesados poidan examinalos e formula-las alegación que consideren oportunas. Á súa vez convócase licitación pública para a adxudicación da citada obra, que quedaría aprazada no suposto de presentarse reclamacións ó proxecto técnico ou prego, restablecéndose, o que reste, a partir do día seguinte ó da resolución das reclamacións.
Obxecto do contrato: é a adxudicación, mediante concurso polo procedemento aberto, da obra de parque público Vila de Cruces.
Tipo de licitación: é de 7.983.147 ptas., con IVE incluído.
Prazo de execución: 4 meses.
Garantías: a provisional establécese en 159.663 ptas., e a definitiva igual ó 4% do importe de adxudicación.
Prazo de presentación de proposicións: presentaranse na secretaría do concello, de 9 a 13 horas, durante o prazo de 26 días naturais, contados desde o día seguinte ó da publicación deste anuncio no BOP.
Apertura de plicas: terá lugar ás nove horas do primeiro día hábil seguinte ó que termine o prazo de presentación de proposicións. Se este fose sábado, terá lugar o primeiro día hábil seguinte.
Criterios de adxudicación: serán os fixados na cláusula 2ª do prego de condicións.
Modelo de proposición: o recollido na correspondente cláusula do prego. Os licitadores presentarán simultaneamente coa proposición e en sobre pechado os documentos que se indican na referida cláusula.
Gastos: serán por conta do adxudicatario os gastos dos anuncios, así como todos os derivados do contrato.
Vila de Cruces, 10 de abril de 2000.
O alcalde-presidente
Rubridado