De conformidade co disposto no artigo 79 da LCAP anúnciase poxa por procedemento aberto para adxudica-las obras de travesía da avenida de Bergantiños-Paiosaco, conforme o seguinte contido:
1. Obxecto do contrato: é obxecto do contrato a execución da obra travesía da avenida de Bergantiños-Paiosaco.
2. Duración do contrato: seis meses.
3. Tipo da licitación: 29.359.779 pesetas.
4. Pregos que rexerán a licitación: o aprobado polo pleno da deputación o 31-3-2000 e publicado no BOP nº 77, do 3 de abril.
4. Pagamento: o pagamento farao efectivo pola deputación e Estado.
5. Garantía provisional: 2% do orzamento da licitación.
6. Garantía definitiva: 4% do prezo da adxudicación.
7. Presentación de proposicións: vinteseis días naturais seguintes á publicación do anuncio no BOP ou Diario Oficial de Galicia.
8. Apertura de plicas: terá lugar o quinto día hábil seguinte á finalización do prazo de presentación das solicitudes.
9. Categoría do contratista: grupo G, subgrupo 6, categoría C.
10. Modelo de proposta:
Don/Dona... con domicilio en... rúa... número... con DNI (ou pasaporte, ou documento co substitúa) número... actuando no seu propio nome (ou en representación de DNI ou CIF e con domicilio en... número... teléfono...) toma parte na poxa con procedemento aberto para adxudicación das obras comprendidas no proxecto travesía da avenida de Bergantiños-Paiosaco, para o cal fai constar:
1º Que ofrece o prezo de..., IVE incluído, que significa unha baixa de... en relación co tipo da licitación.
2º Que coñece e acepta cantas obrigas se deriven das cláusulas administrativas particulares do presente contrato.
3º Que achega a documentación esixida no prego de cláusulas administrativas particulares do presente contrato.
Laracha, 14 de abril de 2000.
Rubricado