Resolución do Concello de Cervo pola que se fai pública a convocatoria de licitación para adxudicar, polo procedemento aberto e urxente, na modalidade de concurso público, a obra denominada iluminación pública e accesos a núcleos de poboación de Gondrás, San Román de Vilaestrofe, Rúa e outros.
Para dar cumprimento ó disposto no artigo 326 da Lei de Administración local de Galicia faise público que comeza o antedito proceso de licitación.
Obxecto do contrato: execución das ditas obras segundo a memoria técnica aprobada pola Corporación e que estará á disposición, xunto co prego de cláusulas administrativas, dos interesados.
Procedemento e forma de adxudicación: procedemento aberto. Tramitación urxente. Forma concurso.
Tipo de licitación: é de 6.800.000 ptas. IVE e demais tributos e gastos incluídos.
O financiamento das obras será con cargo ás contribucións económicas recollidas no Plan de Cooperación ás Obras e Servicios de competencia municipal para o ano 2000.
O prego de cláusulas administrativas e o proxecto técnico estará á disposición dos interesados nas oficinas municipais. O prazo para presentar propostas estará determinado pola publicación do anuncio de licitación, en modelo normalizado, no BOP (Lugo).
Para máis información chamar o teléfono: 982 55 77 77 en horario de oficinas.
O que se fai público para xeral coñecemento.
Cervo, 11 de abril de 2000.
José Insua Pernas
Alcalde