Resolución do Concello de Cervo pola que se fai pública a convocatoria de licitación para adxudicar, polo procedemento aberto e urxente, na modalidade de concurso público, a obra denominada acondicionamento da urbanización Vía Láctea en Río Covo, termo municipal de Cervo.

Para dar cumprimento ó disposto no artigo 326 da Lei de Administración local de Galicia faise público que comeza o antedito proceso de licitación.

Obxecto do contrato: execución das ditas obras segundo o proxecto técnico aprobado pola corporación e que estará á disposición, xunto co prego de cláusulas administrativas, dos interesados.

Procedemento e forma de adxudicación: procedemento aberto. Tramitación urxente. Forma concurso.

Tipo de licitación: é de 30.200.000 ptas. IVE e demais tributos e gastos incluídos.

Faise a advertencia de que se trata dun gasto de carácter plurianual de maneira que, con cargo ó orzamento de 2000 se executarán 20.200.000 ptas. e, con cargo ó orzamento de 2001, executarase a cantidade de 10.000.000 de ptas.

O prego de cláusulas administrativas e o proxecto técnico estará á disposición dos interesados nas oficinas municipais. O prazo para presentar propostas estará determinado pola publicación do anuncio de licitación, en modelo normalizado, no BOP (Lugo).

Para máis información chamar ó teléfono: 982 55 77 77 en horario de oficinas.

O que se fai público para xeral coñecemento.

Cervo, 11 de abril de 2000.

José Insua Pernas

Alcalde