No BOP de Ourense, do día da data, publícanse íntegros os pregos de condicións para o concurso de adquisición de locais para a Escola de Artes e Oficios desta deputación, mediante concurso, en procedemento aberto e trámite ordinario, con tipo máximo de licitación de 120.000.000 de ptas. As ofertas e documentación presentaranse ata as 12 horas do vixésimo sexto día natural seguinte ó da publicación deste anuncio no DOG, no rexistro xeral da Deputación Provincial de Ourense. A apertura de documentación terá lugar o seguinte día hábil (agás sábados), ás 12 horas, no pazo provincial. A documentación que hai que presentar, modelo de presentación e demais datos figuran no mencionado prego de condicións, que lles será facilitado gratuitamente ós que o soliciten, no rexistro da Deputación Provincial de Ourense, rúa Progreso, 32, ou por teléfono: 988 38 51 00 e fax: 988 38 51 84.

Ourense, 3 de maio de 2000.

O presidente

Rubricado