Ó abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse expediente de modificación concesional (ampliación de tráficos) mediante o levantamento da prohibición de tráfico do tramo de itinerario Chapa-Callobre para tódalas demais paradas concesionais, imposta na concesión do servicio público regular permanente de uso xeral de transporte de viaxeiros por estrada: V-3216; XG-360, Lalín-Pontevedra, con anexos, da titularidade da empresa Donado Campos, S.L.
Os interesados ou afectados no expediente poderán comparecer no procedemento e, tralo exame da documentación pertinente no Servicio Provincial de Transportes de Pontevedra (estación de autobuses), efectua-las alegacións que coiden oportunas no prazo dun mes contado a partir do día seguinte ó da publicación deste anuncio no Diario Oficial de Galicia.
Santiago de Compostela, 18 de abril de 2000.
Juan Carlos Villarino Tejada
Director xeral de Transportes