De conformidade coa proposta elevada pola comisión constituída para xulga-lo concurso convocado por resolución desta universidade do 4 de maio de 1999 (BOE do 29 de maio) para a provisión da praza de catedrática de universidade da área de coñecemento de matemática aplicada do departamento de Matemática Aplicada desta universidade, a favor de Peregrina Quintela Estévez, tendo en conta que a interesada cumpre os requisitos a que alude o apartado 2, do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Peregrina Quintela Estévez, catedrática de universidade da área de coñecemento de matemática aplicada, do departamento de Matemática Aplicada da Universidade de Santiago de Compostela.

Santiago de Compostela, 13 de abril de 2000.

F. Darío Villanueva Prieto

Rector da Universidade de Santiago de Compostela