O Consello da Xerencia Municipal de Urbanismo, en sesión do 2 de marzo de 2000, acordou aprobar definitivamente o proxecto de urbanizaicón da U.E.1 do PERI U.A.6 Sensat (expediente 4042/401), redactado polo arquitecto Xosé A. Comesaña García e visado polo COAG con datas do 14 de xuño e 27 de setembro de 1999, e cun orzamento de execución material de 29.973.867 pesetas, condicionada á presentación dun aval polo 100% do orzamento, e debendo a súa execución axustarse ás precisións sinaladas nos informes técnicos municipais do 30 de setembro e do 1 de outubro de 1999, e sinaladamente, as que se seguen:
-Durante a execución das obras reservaranse zonas para colectores de lixo.
-A construcción de muros de contención farase de xeito que as súas zapatas non invadan zonas de dominio público.
-A traza da canalización de gas deberá ser sinalada claramente en superficie mediante placas indicativas, as cales deberán indicar tamén os cambios de dirección. A distancia entre placas non superará en ningún caso os 25 metros.
Contra o devandito acordo, que pon fin á vía administrativa, poderán inerpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte ó da publicación deste anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
Sen embargo, interposto o recurso de reposición non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta por transcurso do prazo máximo dun mes para dictar e notifica-la resolución.
c) Calquera outro recurso que se considere oportuno e sexa procedente interpoñer.
De conformidade co artigo 59 da Lei 30/1992, do 26 de novembro, LRXAP-PAC, por medio deste anuncio notifícanselle-los acordos que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 21 de marzo de 2000.
Lois Pérez Castrillo
Alcalde-presidente da Xerencia Municipal
de Urbanismo