O Consello da Xerencia Municipal de Urbanismo, en sesión do día 6 de abril de 2000, acordou aprobar inicialmente o estudio de detalle referido á zona E.N.4.1 do Plan especial de equipamento docente e infraestructura viaria do campus universitario das Lagoas-Marcosende da Universidade de Vigo, presentado pola empresa Siresa Noroeste, S.A. e redactado polo arquitecto Alfonso Penela Fernández, con visado do COAG do 21 de marzo de 2000.
Sométese o dito expediente ó trámite de información pública polo prazo dun mes, mediante inserción de anuncios no DOG, e nun xornal dos de maior circulación da provincia, significando que o prazo de exposición ó público se entenderá aberto desde a primeira publicación ata o remate do mes contados desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa do edificio da xerencia.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.
Vigo, 14 de abril de 2000.
Lois Pérez Castrillo
Alcalde-presidente da Xerencia
Municipal de Urbanismo