En virtude das facultades conferidas na vixente normativa de contratación, anúnciase a licitación dun contrato, suxeito ás seguintes bases:
1. Entidade adxudicadora.
a) Organismo: Secretaría Xeral de Investigación e Desenvolvemento, adscrita á Consellería da Presidencia e Administración Pública.
b) Dependencia que tramita o expediente: Servicio de Xestión.
c) Nº de expediente:
2. Obxecto do contrato.
a) Descrición do obxecto: realización dos traballos de recompilación, ordenación e clasificación da información sobre plans e programas de I+D europeos, así como o asesoramento para a coordinación entre o V Programa Marco e o PGIDT.
Prazo de execución: o traballo realizarase por fases e o prazo de execución da cada unha das é o seguinte:
1ª Fase.-Recompilación da información sobre plans e programas de I+D do Plan Nacional e europeos (V Programa Marco, accións especiais), ata o 1 de agosto de 2000.
2ª Fase.-Establece-los puntos de contacto coas entidades nacionais e da CE relacionadas coa I+D, ata o 1 de outubro de 2000.
3ª Fase.-Clasificar e ordena-la información de acordo coas áreas de interese para Galicia, ata o 30 de decembro de 2000.
4º Fase.-Xestiona-la incorporación de fondos bibliográficos de I+D producidos nos organismos correspondentes nacionais e da CE, ata o 1 de marzo de 2001.
5ª Fase.-Asesorar para a coordinación entre o Plan Nacional, o V Programa Marco e o PGIDT, ata o 1 de xuño de 2001.
6ª Fase.-Difundi-la información baixo as directrices da Secretaría Xeral de I+D, ata o 1 de outubro de 2001.
7ª Fase.-Canaliza-las consultas externas cara a organismos internacionais de I+D.
Prazo de finalización desta fase: o 1 de decembro de 2001.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso público.
4. Orzamento base de licitación.
Importe total: o orzamento máximo autorizado ascende a sete millóns duascentas cincuenta e unha mil trescentas pesetas (7.251.300 ptas.) das que dous millóns seiscentas setenta e unha mil cincocentas pesetas (2.671.500 ptas.) corresponden á anualidade do ano 2000 e catro millóns cincocentas setenta e nove mil oitocentas pesetas (4.579.800 ptas.) á anualidade do ano 2001.
5. Garantía provisional.
Dispénsase a garantía provisional (artigo 36 da LCAAPP).
6. Obtención de documentación e información: poderán retirala no rexistro da Secretaría Xeral de Investigación e Desenvolvemento, rúa dos Feáns, nº 7, 15706 Santiago de Compostela, teléfonos 981 54 10 87/54 10 88
7. Requisitos específicos do contratista.
a) Clasificación: non se esixe.
b) Outros requisitos: as empresas licitadoras deberán acredita-la súa solvencia económico-financeira e técnica ou profesional, de conformidade co esixido no prego de cláusulas administrativas particulares.
8. Presentación de ofertas:
Presentaranse, de conformidade co previsto no prego de cláusulas administrativas particulares, no pra
zo de 26 días contados a partir do seguinte ó da publicación deste anuncio no DOG, no rexistro da Secretaría Xeral de Investigación e Desenvolvemento das 9 ás 14 h, ou ben na forma prevista no artigo 100 do Regulamento de contratos do Estado.
9. Apertura de ofertas.
Realizarase o décimo primeiro día seguinte ó de remate de presentación de proposicións, ás 12 horas, nas dependencias da Secretaría Xeral de Investigación e Desenvolvemento; no caso de cadrar en sábado, a apertura terá lugar o día hábil seguinte.
O importe deste anuncio será por conta da empresa adxudicataria.
Santiago de Compostela, 19 de abril de 2000.
Miguel A. Ríos Fernández
Secretario xeral de Investigación e Desenvolvemento