O conselleiro da Presidencia e Administración Pública dictou, con data do 10 de abril de 2000, resolución estimatoria do recurso formulado por Mª Soledad Domínguez de Dios e Isabel Domínguez de Dios, contra a Resolución do 9 de febreiro de 2000, pola que se fan públicas as listas definitivas para a cobertura con carácter temporal de postos de traballo reservados a persoal laboral, reguladas no Decreto 89/1997, do 10 de abril, correspondentes á categoría 30 (auxiliar de formación ocupacional) (lista A1 e e A2) do grupo IV.

Dado que o carácter da resolución é estimatorio das peticións das interesadas, procede dárlle-la debida publicidade ás modificacións provocadas por estas nas listas publicadas por Resolución do 9 de febreiro de 2000, no sentido de que deben figurar na lista para a cobertura con carácter temporal de postos correspondentes á categoría 30 (auxiliar de formación ocupacional) (lista A1 e A2) do grupo IV, cos datos seguintes:

Mª Soledad Domínguez de Dios, DNI: 15.965.031, lista A2, puntuación: 17,722 puntos, no posto número 4 para o ámbito D1500.

Isabel Domínguez de Dios, DNI: 32.403.512, lista A1, puntuación: 20,289 puntos, no posto número 1 para o ámbito D0000, no posto número 1 para o ámbito D1500.

En consecuencia, varíase correlativamente a orde de prelación dos solicitantes posteriores incluídos na lista correspondente.

Esta resolución non afecta as modificacións e/ou exclusións producidas como consecuencia da propia xestión das listas.

Contra a presente resolución, que pon fin á vía administrativa, os interesados poderán interpoñer, con carácter potestativo, recurso de reposición ante o conselleiro da Presidencia e Administración Pública no prazo dun mes contado desde o día seguinte ó da publicación desta resolución, ou, directamente, o recurso contencioso-administrativo, no prazo de dous meses contados desde o día seguinte ó da súa publicación, perante o Xulgado do Contencioso-Administrativo da Coruña, conforme o artigo 14.2º da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 17 de abril de 2000.

Joaquín López-Rúa Soler

Director xeral da Función Pública