A Dirección Xeral da Función Pública recibiu do Xulgado do Contencioso-Administrativo número dous da Coruña providencia pola que se admite a trámite a demanda correspondente ó recurso contencioso-administrativo, procedemento abreviado 38/1999, interposto por Celia Carracedo Calvo, contra a orde da Consellería da Presidencia e Administración Pública do 4 de maio de 1999, pola que se eleva a definitiva a proposta de aspirantes que superaron o proceso selectivo para o ingreso na categoría 1 do grupo V do persoal laboral fixo da Xunta de Galicia (DOG nº 88, do 10 de maio de 1999).

En consecuencia, esta dirección xeral, en cumprimento da providencia do devandito xulgado do 30 de marzo de 2000, e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, procede ó emprazamento de tódalas persoas interesadas no procedemento para que poidan comparecer como parte nos autos no Xulgado do Contencioso-Administrativo número dous da Coruña no prazo de 9 (nove) días, contados desde o seguinte ó da publicación desta resolución no Diario Oficial de Galicia.

Santiago de Compostela, 11 de abril de 2000.

Joaquín López-Rúa Soler

Director xeral da Función Pública