Pola presente cédula, notifícaselles ós herdeiros de Francisca Vizoso Barro con último domicilio coñecido en r/ Espartero, nº 57, 2º, Ferrol (A Coru

ña), mediante publicación no Diario Oficial de Galicia e no taboleiro de edictos do Concello de Ferrol, que o 10 de novembro de 1999 o presidente de Portos de Galicia, de conformidade cos artigos 10 e 108 da Lei 22/1988, do 28 de xullo, de costas (BOE nº 181, do 29 de xullo) dictou resolución na que se acorda a recuperación e desafiuzamento administrativo dos terrreos e instalacións integrantes do dominio público portuario correspondentes á concesión outorgada por RO do 28 -8-1928 a José Barro González e caducada o 20-9-1990 para construcción de almacén para mercadorías destinado a uso particular na zona de servicio do porto de Viveiro, por atoparse a concesión extinguida e ocupada indebidamente e sen título habilitante ningún.

Outórgaselles un prazo de 15 días contados desde o seguinte ó da publicación da presente cédula no Diario Oficial de Galicia ou á exposición no taboleiro de edictos do Concello de Ferrol, para proceder ó desaloxo e abandono voluntario das instalacións, podendo retirarse dentro dese prazo tódolos equipos e materiais diversos da propiedade dos ocupantes sen mingua ou deterioración nas instalacións; noutro caso Portos de Galicia procederá á execución subsidiaria da resolución retirando os devanditos equipos e materiais con cargo ó propietario deles.

Así mesmo, fáiselles sabe-lo dereito que os asiste para interpoñeren recurso contencioso-administrativo perante o xulgado do contencioso-administrativo que corresponda da Coruña ou o xulgado do contencioso-administrativo competente na circunscrición onde teñan o seu domicilio nun prazo de dous meses contado desde o seguinte ó da publicación da presente cédula no Diario Oficial de Galicia ou a exposición no taboleiro de edictos do Concello de Ferrol, ou recurso potestativo de reposición perante o presidente do ente público Portos de Galicia nun prazo dun mes contado desde a mesma data. Comunícanselles, para estes efectos, que poderán comparecer na sede dos servicios centrais de Portos de Galicia sita no edificio de Área Central, praza de Europa, nº 5ª-6º, Santiago de Compostela, para os efectos do coñecemento do contido íntegro da mencionada resolución e constancia del.

E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), expido, asino e selo a presente cédula.

Santiago de Compostela, 17 de abril de 2000.

Manuel Bautís Cheda

Xefe do Departamento de Secretaría

Xeral-Asesoría Xurídica.