A Comisión de Goberno do Concello, na súa sesión do 20 de marzo de 2000, aprobou definitivamente o proxecto de urbanización da unidade de execución número 18 (U-18) de Tras do Pilar ou Rapa da Folla do PE-1, promovido por Monteviejo Inversiones Inmobiliarias.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante a Comisión de Goberno do Concello no prazo dun mes, contado desde a mesma data.
Santiago de Compostela, 29 de marzo de 2000.
Xosé A. Sánchez Bugallo
Alcalde