A Secretaría Xeral da Consellería de Familia e Promoción do Emprego, Muller e Xuventude, e unha vez cumpridos os trámites administrativos correspondentes, resolve anuncia-lo concurso que a seguir se cita:
1. Entidade adxudicadora:
a) Organismo: Consellería de Familia e Promoción do Emprego, Muller e Xuventude.
b) Dependencia que tramita o expediente: secretaría xeral.
c) Número de expediente: 19/2000.
2. Obxecto do contrato:
a) Descrición do obxecto: servicio de transporte para os participantes na campaña de verán-2000 en Galicia.
b) Prazo de execución: do 1 de xullo ata o 15 de agosto de 2000.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma: concurso público.
4. Orzamento base de licitación:
Importe total: cento vinte (120) ptas./km, co IVE incluído, cun máximo de 39.000 km, o que equivale a un orzamento máximo de catro millóns seiscentas oitenta mil (4.680.000) ptas., co IVE incluído.
5. Garantías:
Provisional: non se esixe.
Definitiva: cento oitenta e sete mil duascentas (187.200) ptas. (4% do orzamento de licitación).
6. Obtención de documentación e información:
a) Entidade: rexistro xeral e Dirección Xeral de Xuventude da Consellería de Familia e Promoción do Emprego, Muller e Xuventude.
b) Enderezo: San Caetano, s/n-Blq. 3-1º.
c) Localidade e código postal: Santiago de Compostela, 15771.
d) Teléfono: 981 54 48 53.
e) Fax: 981 54 58 43.
f) Data límite de obtención de documentos e información: ata o último día de presentación das proposicións, tódolos días laborables, agás sábados, de 9 a 14 horas.
7. Requisitos específicos do contratista:
a) Clasificación: non se esixe.
8. Presentación de ofertas ou das solicitudes de participación:
a) Data límite de presentación: no prazo de vinteseis (26) días naturais contados desde o día seguinte ó da publicación deste anuncio no Diario Oficial de Galicia.
b) Documentación que hai que presentar: a que se indica na cláusula 10ª do prego de cláusulas administrativas particulares. No caso de estaren inscritos no Rexistro de Contratistas, xuntarase grampado no exterior do sobre A o certificado do devandito rexistro.
c) Lugar de presentación:
1º Entidade: rexistro xeral da Consellería de Familia e Promoción do Emprego, Muller e Xuventude.
2º Domicilio: San Caetano, s/n.
3º Localidade e código postal: Santiago de Compostela, 15771.
Ou por calquera dos xeitos previstos no artigo 100 do Regulamento xeral de contratos do Estado. Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981 54 58 43), ou telegrama no mesmo día, de conformidade co artigo 100 do Regulamento xeral de contratos do Estado.
d) Admisión de variantes: non.
9. Apertura de ofertas:
a) Entidade: sala de xuntas da Secretaría Xeral da Consellería de Familia e Promoción do Emprego, Muller e Xuventude.
b) Enderezo: San Caetano, s/n.
c) Localidade e código postal: Santiago de Compostela, 15771.
d) Data: apertura da documentación administrativa (sobre A): quinto día hábil seguinte ó do remate do prazo de presentación das ofertas.
Apertura da oferta económica (sobre C): décimo día hábil seguinte ó do remate do prazo de presentación das ofertas. No caso de coincidir en sábado ou festivo, a apertura das proposicións económicas terá lugar no día hábil seguinte.
e) Hora: ás 12 horas.
10. Gastos de anuncios: o importe deste anuncio será por conta do adxudicatario do contrato.
Santiago de Compostela, 3 de abril de 2000.
P.D. (Orde 16-12-1997)
Javier Batán Rodríguez
Secretario xeral da Consellería de Familia
e Promoción do Emprego, Muller e Xuventude