Resolución do Concello de Cervo pola que se fai pública a convocatoria de licitación para compra-venda dunha máquina - vehículo especial - cargadora retroescavadora. Modalidade contrato privado da Administración, artigo 5.3º e 9º da Lei 13/1995, do 18 de maio.

Para cumprir co disposto na Lei de Administración local de Galicia, faise público este anuncio de licitación:

O Concello de Cervo compra unha máquina - vehículo especial - cargadora retroescavadora, segundo as características que constan no prego de condicións.

Os interesados deberán facerse cargo dunha máquina Torfersa, Titanio 3000 - hidrostática, propiedade do Concello de Cervo. A súa valoración económica é de 1.600.000 ptas.

O tipo de licitación é de 4.500.000 ptas., IVE, demais impostos e gastos incluídos.

O prazo de presentación de ofertas será de 13 días naturais contados desde a publicación do anuncio normalizado de licitación no BOP.

Para obter máis información deberán poñerse en contacto coa administración xeral do Concello de Cervo (Lugo). Tfno.: 982 55 77 77.

O que se fai público para xeral coñecemento.

Cervo, 23 de marzo de 2000.

José Insua Pernas

Alcalde