Por anuncio do 5 de novembro de 1999, publicado no Diario Oficial de Galicia número 224, do 19 de novembro, convocáronse catro bolsas para a concesión de axudas económicas que financiasen a estadía en Bruxelas de licenciados universitarios que fosen aceptados por algunha das institucións comunitarias ó longo do ano 2000.

Tendo en conta o número de peticionarios que teñen cursadas as súas solicitudes e que satisfacían os requisitos de expediente académico e coñecemento de linguas, entre outros, admitidos polas diversas institucións comunitarias, considerando a existencia de remanentes orzamentarios e a concorrencia dos fins fundacionais que aconsellan reforza-la presencia de titulados galegos no cerne das entidades decisoras da Unión Europea, a Fundación Galicia-Europa amplía en catro bolsas adicionais as xa convocadas polo devandito anuncio, mantendo inalterado o prazo xeral de presentación de novas solicitudes ata o 15 de setembro do ano 2000.

Santiago de Compostela, 6 de abril de 2000.

Jaime Pita Varela

Secretario xeral da Fundación Galicia-Europa