De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, tentada a notificación no domicilio do interesado sen que se puidera practicar, notifícaselle a José Francisco Sousa Dias a resolución adoptada pola Comisión Provincial de Vivenda na súa sesión do 25 de novembro de 1999, pola que se lle adxudica en compravenda unha vivenda de protección oficial e promoción pública, a vivenda nº 22, da rúa Olmos, no grupo destas construído polo IGVS en Larouco, ó abeiro do expediente OU-97/020.

A devandita vivenda ten unha superficie útil de 82 m, consta con anexos inseparables á vivenda (rocho e garaxe) e o seu prezo total é de 4.979.789 ptas.

Nesta notificación advírteselle ó interesado que no prazo máximo dun mes contado desde a publicación deste acordo, deberá facer efectivo o ingreso da cantidade 265.000 ptas., referidos ó IVE e mailos gastos notariais e rexistrais en calquera oficina bancaria a favor de Habilitación IGVS, na conta aberta para o efecto na entidade financeira Caixavigo e Ourense.

A falta de xustificación documental do ingreso da cantidade sinalada e no prazo indicado, deixará sen efecto a adxudicación da vivenda, conforme o que dispón o artigo 20 do Decreto 98/1992, do 26 de marzo.

Santiago de Compostela, 22 de marzo de 2000.

José Elier Ojea Ureña

Vicepresidente da Comisión Provincial de Vivenda